Sitih Inlahen Öi Yūs Minë Paipöl Istötī Vitīö

Fën nun minë vitiō tö mihôiṅ nö yūsö tö hī öi el fīlt. Asuh nup chö-öiny minë vitiō?

• 

  Kūöyòh Hòṅ Haköpmat Ngam Paipöl?—Keuheūtlöre: Ngih vitiō nö chö-öinyten yip tarik nö halēnlöng hòṅ cha nö kuchīken nö haköpmat ngam Paipöl, pòrô nö kö tahëngö tinlööken. Kinëtö ṙinūöhöl alaha cha ön inrē hòṅ cha nö ngëichkö sanapṙô nup intöönö elkuilōnre nö imat ngam Paipöl. In minë vitiō öi teūngen tö sanapṙô nup intöönö. Vënyu inlahen inrē nö sitih inlahen yip tö hòṅ lōnu nö kē-ě istötī.

• 

  Kūöyòh Hòṅ Haköpmat Ngam Paipöl? (rahëichtamat): Ngih vitiō inrē nö sā chö-öiny ngam tö Keuheūtlöre vitiō. Ngam inrīkngöre u pöri pön 3 minit ngam urěh, ngaich töng 1 minit ngih. Mihôiṅ nö yūsö nö inup kamngö yip tarik töt ṙētakvö.

• 

  Sitih inlahen öi yěi haköpmat Paipöl?: Ngam chö-öiny ngih vitiō nö ṙinūöhöl alaha yip tarik nö rultenre nö haköpmat ngam Paipöl. Nup intöönö yamih nö elkuilōn yip tarik i alaha ngam istötī, ngaich ōt nup sanapṙô u nö kētu nö el ngih vitiō. Tö sā ngam, sitih inlahen yip tö hòṅ lōnu nö kē-ě istötī.

• 

  Ha-öiny Tö Yīhi Meh In Öm In Ngih Paipöl Istötī: Yěn tö ngaich öp tarik nö rultenre nö kē-ě istötī, ngaich möl mihôiṅ öi hameukten ngih vitiō. Rö-ö ön pön vënyu inlahen ngih vitiō in ngam līpöre Mihôiṅ Man Örheūheu Ṙamlōn! im pěch 2, mihôiṅ pöri nö hamueknyu yěi kakkö minë töhaköpö in ngam prōsör Mihôiṅ Man Örheūheu Ṙamlōn! Hameuknyu nun min nö in ngih vitiō minë inlahen hī öi kakkö minë tòpik imat ngih līpöre ngaich sitih inlahen öi holṙô re kakken u.

Rö-ö nun minë vitiō pön kö harīkngöre chö-öiny, in në vitiō pöri öi mihôiṅ hameukhömat yip tarik hēk sömhökūö cha inrē. Tövai ön min yěi ngatī inlahen. Ṙūöhlöng alaha yin më pöplisör nö asīöp heuneū-enre nö yūs minë vitiō yěn ahangkö ngam tölöök inhānga.