SĀ TINRĪKEN KRISTĪÖN
Sā Mat Yāvē Man Öm Ngëichköre
‘Ṙamlōn ngam Mā Tēv [Yāvē] nö in yip tarik re.’ (Sal 149:4) Pòrô nö töng öthet, sön anga-aṅ nöng ngëichken nup tövai tinrīken cha, ngëichkö nup töng kanò-òṅ hī inrē la-en. Ōt pöri nup lāinyngen hī mihôiṅ öt meuk nup tövai tinrīken re, ngaich mihôiṅ min öi ngölōn töre öi töng hö-öv tö kūö yip tahëng nö öt vāyö inlahen nö in hī. Mihôiṅ inrē öi ngölōn tö Yāvē nö öt hangenlōn tö hī kūö nup tötlöng kahëken hī sin urěh. Sitih inlahen pöri min ayī-ö öi la-al nup töngatī yamih elkuilōnre?
Köplōn tö Yāvē nö mameuk ellōn tarik. (1Sa 16:7) Meuk nup töt maheuk hī inrē anga-aṅ. Ṙamlōn in pöi löktö im Paipöl öi akahakūö tö Yāvē nö sitih inlahen mat nö ngëichken hī. Pōyen minë miröökö hēk inchō elmat hī imat ngam Paipöl tö Yāvē nö kirööngen hanangenlōn tö më tarik lamöklōn ò.
NGËCHKÖ NGAM VITIŌ ṘATÖ-ELLŌNRE MAN TÖ YĀVĒ NÖ HANGENLŌN TÖ MEH, NGAICH KĒTÖ SANAPṘÔ NË INTÖÖNÖ:
Asuh öp haköplö hī in ngam tö hěngtak famal tö ngam yöng ò kikōnyö?
Yěn hòṅ havantöre ngòh tö hěng tak tarik nö in Yāvē unôichrit ò nö kēken nup tökiröng fālen, ngaich mihôiṅ anga-aṅ nö sitih ṙô nö im ellōnre tö Yāvē nö kô-en hanangenlōn tö ò?—1Yô 3:19, 20
Asūp yanöölen ngam prötör ik sā ò nö haköp hēk afēkö inlahen nā Tāvit nā Yēhōsafāt?