Ahëtiyö Min Në Kinyūngö Tö Yēsū

Hē Yēsū misī nö ing panam, hameuktö hanāngenlōn re anga-aṅ tö tarik, uroh inrē nö kēngö nômöre nö chö-önyten tö cha. (Mëtiv 20:28; Yôhan 15:13) Hēk an min nö hameuktö ngam hanāngenlōn re tö tarik yěn hameuktö ngam kumlēḵ re min nö rācha ngam Pūlngö ngam Tēv nö ‘ahetngö minë kinyūngö’ nö ṙā-ang ikūö ngih panam.—Salmai 46:9.

Chumkūöṙen tö ṙô ngam Paipöl nö vë-eny inlahen Yēsū min:

• “Ṙānyö yip tö-iyāich min anga-aṅ yip pameuinyhökūö ò yip yāich inrē töt holuṙen. Aṙē-ĕlōn an min tö yāich, tö-iyāich inrē, ngaich hayöölen nômö tö-iyāich min anga-aṅ. Kēnyö nômö cha an min ṙā-ang im inkihten chanökhuṙen inrē.”—Salmai 72:12-14.

Sitih inlahen öi mihôiṅ hameuktö ṙanamlōn re tö minë tī Yēsū töngamuh hēk inup yamih min inrē ṙētak? Hěng ön ngam inlahen hī mihôiṅ öi mikahtökūöre tö ngam ‘tölöök inhangkö ngam Pūlngö ngam Tēv’ ngam ahangkö ò misī. (Lūkös 4:43) Ngëichkö ngam ātiköl “Asuh Öng Ngam Pūlngö Ngam Tēv?”