Kē-ěyö Min Në Ötlanöökö Tö Yēsū

Akahakūö takô ang Yēsū tö kanihngen ngòh tarik tötlēkaṙen. Pön ngatī ötlinëken anga-aṅ misī ik sā ò nö ing panam. Sūöichka fālen anga-aṅ, höng öt chöönyu nö fōho, kahòkkaṙen, kaheūkö nö tö fāluṙen, ngaich hachöknyu nômö nö fëliyö. Höng öt fāluṙen anga-aṅ, sön pöri nö holtö ṙanamlōnre nö kēngö “nômöre nö chö-önytö tömaṙôngö.” (Mëtiv 20:28; Yôhan 15:13) Ngaich an töngamuh nö Rācha ngam Pūlngö ngam Tēv. Veutten inlahen min anga-aṅ nö kahôka ngaich ahetngen në ötlanöökö min nö örheūheu nö ikūö ngih panam.—Isayā 42:3.

Sitih inlahen öi min yěn kē-ěyö në ötlanöökö tö Yēsū nö ikūö ngih panam, ngö ṙô an ngam Paipöl:

• “Pòn höng rahëichtöreṙen, ngaich öt ōtre min yip tötlöök: hòṅ, pētngen man min ngëichkö chūök ò, ngaich öt ōtre min anga-aṅ. Amīnu pöri anga-aṅ tö panam ngam töyāchö ellōn: ngaich kumchikngenre min ip lanāmö töpōyen.”—Salmai 37:10, 11.

Sitih inlahen öi min ayī-ö hameuktöre öi ha-öiny nup tī Yēsū töngamuh hēk in nup yamih min ṙētak inrē? Hěng ön ngam inlahen hī mihôiṅ öi mikahtökūöre tö ngam ‘tölöök inhangkö ngam Pūlngö ngam Tēv’ ngam ahangkö ò misī. (Lūkös 4:43) Ngëichkö ngam ātiköl “Asuh Öng Ngam Pūlngö Ngam Tēv?”