Ahëtiyö Min Ngam Inyāichö Tö Yēsū

Hē Yēsū misī nö ing panam, hameuktö ngam tökiröng hanangenlōnre anga-aṅ tö yik tarik, mötlö takô nö in yik yāich hēk yik lama-al nuk kanihngenre. (Mëtiv 9:36) Uroh anga-aṅ nö kēngö nômöre nö chö-önyten cha. (Mëtiv 20:28; Yôhan 15:13) Hēk an min nö hameuknyö ngam hanangenlōnre tö tarik. Ngaich anga-aṅ töngamuh nö Rācha ngam Pūlngö ngam Tēv, lökten ò min nö veutten inlahen nö yūs ngam minā-aṅre hēk ngam kumlēḵre nö kēngen ngam inyāchö nö ikūö ngih panam.

Ngö ṙô an ngam Paipöl nö vënyö inlahen nup la-en Yēsū min ip yamih ṙētak:

• ‘Kahòklökui yip yāich tarik an min ngam Rācha, laklen yip kūön yip yāich min anga-aṅ.’—Salmai 72:4.

Sitih inlahen öi min hameuktö minlēṙenre tö nuk tö ngaichngen la-en Yēsū hēk tö nup la-en ò min tö pôkūö hī? Hěng ön ngam inlahen hī mihôiṅ öi mikahtökūöre tö ngam ‘tölöök inhangkö ngam Pūlngö ngam Tēv’ ngam ahangkö ò misī. (Lūkös 4:43) Ngëichkö ngam ātiköl “Asuh Öng Ngam Pūlngö Ngam Tēv?”