Sitih Inlahen Öm Yĕm Hameuktö Chaniplen re I Kūö Yāvē?

Hakööpöre lāḵrītö ngam Tēv. 1 Pītör 5:​6-9

Lāköre um kēken nup la-en kui panam nup töt sāta nö i ṙô ngam Paipöl. Hòṅ ngön in yĕi kamëkö kaha u.

Um nôlhöt inup la-en ngih panam nup löktö tinṙōlen, pô u anū-ö la-en nö samô-en ngam Tēv Yāvē tö ngam pūlngö ò inrē.

Halöng atöllöre man​—hang ṙô ngam Tēv. Mëtiv 7:​24, 25

Hanôl yip Vamënyen Yāvē, cha-a yip tö mihôiṅ nö hayööken meh ṙūötöre im Tēv.

Iṙūöhen öm haköp inlahen ngam Tēv pītnyöre kēkö kaha minë chööngö ò.

Yēḵ ngam ṙinātö ellōn meh nö ngach nö ngön, ngach hòṅ kētö re me-eṅ in Yāvē öm kēḵ ngam vinôkö.​—Mëtiv 28:19.

Hang ṙô ngam Tēv. Vë-ekūö ngam Paipöl, kēḵ inyööken re in yip Vamënyen Yāvē yip mahayööken meh akaha elnang tö nup haköp meh. Ngach kēkö kaha minë haköp re. Yĕm ngatī min, ngach möl min öm örheūheu-aṅ.​—Salmai 37:29.