LESÖN 45
Tö Sitih Manah Öng Ngam Inlahen Hī Öt Hēngö Kahë tö Lā-are
Ngö ṙô Yēsū tö yik haköptöre ‘hö-ö pöri yī-ö aṅ ngih panam.’ (Yôhan 15:19) Ngatī ayī-ö ötkô hēngö lā-a yěi öt hòṅ aṅ ngih panam. Tö ngö manah angū-ö tö hī öi öt kētöre in minë la-en mahayöng panam hēk kinyūngö inrē. Öt lööṙen pöri ayī-ö. Pön mihôiṅ min yip tarik nö miyëṙô hēk ötlēken hī inrē. Sitih inlahen öi min haköpngöre in Yāvē öi öt kēḵ lā-a ngih panam? Töi mikahtökūöre.
1. Sitih mat aich më tökô-en Kristīön tö vē mā mahayöng panam?
Milēḵṙen in ayī-ö Kristīön tö vē mā mahayöng panam. Pön ngö ṙô ngam Paipöl “Kē-ĕkūö Kaisöör tö nup aṅ in Kaisöör.” Tö ngö manah angū-ö tö hī öi hòṅ hang minë chööngö panam re öi kētö tax. (Mākös 12:17) Vënyu nang in inrē tö ngam Paipöl, tö në inyööngö tö tarik nö hachöngten Yāvē. (Rōma 13:1) Lökten më tarik mahayöng nö öt mötlö ṙôken minā-aṅ tö Yāvē. Höng Yāvē an tö mihôiṅ nö kēngen në kanihngen hī ikūö ngih panam nö löktö im Pūlngöre.
2. Sitih inlahen öi min hameuktöre köp im Pūlngö ngam Tēv?
Sā Yēsū in ayī-ö öi öt kētöre in minë la-en ngih panam. Hē yik tarik pöri nö meuk ök pinngangkūö hameuktö Yēsū, ngaich hòṅ vīlen ò cha-a nö rācha, sō pöri anga-aṅ. (Yôhan 6:15) Unôichngöre anga-aṅ nö ngö ṙô, “Öt aṅ ngih panam an ngam pūlngö Chu.” (Yôhan 18:36) Ṙōlkangen inlahen inrē ayī-ö öi hameuktöre öi öt hēngö lā-a. Sā hī öt kētöre öi kinyung. (Vë-evkūö Maika 4:3.) Milēḵṙen inrē tö minë minkahngö panam, hö-ö pöri öi ha-öinyö u. (1 Yôhan 5:21) Öt kēḵ lā-a yip mahayöng in vahīlö tarik hēk öt la-al ṙô cha inrē. In në tö ngatī la-en hēk nup tahëng inrē öi öt hēngö lā-a, hameuktöre pöri öi haköpngöre öi in ngam Pūlngö ngam Tēv.
MIKAHTÖKŪÖRE HĒK
Asuh nup lāinyngen hī mihôiṅ kihngen pöi öt hēngö lā-a? Sitih inlahen öi min öi lööngö katöllö hē u anū-ö ṙētak, hòṅ hī haṙamlōn Yāvē? Töi mikahtökūöre.
3. Öt hēngö kahë yin vē tökô-en Kristīön tö lā-are
Pōyen haköplö in öi in nuk inlahen Yēsū tö yik haköptö ò inrē tö cha nö öt hēngö kahë tö lā-are. Vë-evkūö Rōma 13:1, 5-7 hēk 1 Pītör 2:13, 14. Ngaich, röngnyöm VITIŌ ngaich kakkö ngih intöönö yamih.
Kūö yòh öi hòṅ milēḵṙen tö në inyööngö ing panam?
Asuh nup tumkangen inlahen hī hameuktöre öi tumṙeūtöre tö në inyööngö?
Yěn kiyūngö höö ṙung minë panam, ngaich ōt ṙung nup panam tö sō nö kēḵ lā-a öp töhěng panam nö im kinyūngö. Höng kētö inyööken minë panam pöri cha-a kumyungö höö tö pësa hēk chehetī kumyung inrē. Asuh öp rih tökô-en manah ngam inlahen hī öi öt hēngö kahë tö lā-are? Vë-evkūö Yôhan 17:16. Ngaich, röngnyöm VITIŌ ngaich kakkö ngih intöönö yamih.
Asuh öp manah ngam inlahen hī öt hēngö kahë tö lā-are hēk asuh öp töt manah e?
Yěn tölṙô hī min vē mahayöng öi la-evṙen tö nup töt sā minë chööngö ngam Tēv, ngaich hòṅ sitih inlahen min ayī-ö? Vë-evkūö Inlahen 5:28, 29. Ngaich, röngnyöm VITIŌ ngaich kakkö minë intöönö yamih.
Yěn la-al nup chööngö Yāvē nup chööngö tarik, ngaich hòṅ achīö min öp tö hòṅ hāngö chööngö tö hī?
Asuh nup lāinyngen ngòh Kristīön tarik nö mihôiṅ min nö öt hang nup chööngö vē mahayöng ing panam?
4. Hameuktöre man öt hēngö lā-a inup mufē meh hēk la-en meh inrē
Vë-evkūö 1 Yôhan 5:21. Ngaich, röngnyöm VITIŌ ngaich kakkö ngih intöönö yamih.
Kūö yòh ök prötör Ayenge nö sō nö kēḵ ngam chūök minā-aṅ nö i panam re, salām ngam pòtra inrē?
Sitih lōn öm më-eṅ tölöng öng ngam inlahen ò?
Asuh nup inrē lāinyngen hī kò-òren öi öt akahngenre öi kēḵ lā-a yip tahëng? Röngnyöm VITIŌ, ngaich kakkö minë intöönö yamih.
Sitih inlahen öi min öi öt hēngö lā-a, yěn kēkaṙen minë minnyāmö?
Hòṅ sitih inlahen öi höng köp öi öt hēngö kahë tö lā-are pòrô öi kihngen öi hěngtak tö kūö nup chööngö vahī yip mahayöng?
Sitih inlahen öi min yěn kakkö nup tö ahangnyu inlahen panam yip tarik tö hanôlö tö hī, yěi sō öi hēngö kahë tö lā-are?
Asuh nup kamngö chūök ngòh Kristīön tarik nö hameuktöre nö öt hēngö lā-a nö inup mufēre hēk la-enre inrē?
ṘÔ YIP TAHËNG NÖ HATÖN: “Kūö yòh öm kan më-eṅ öt salām ngam pòtra hēk tikök nöönyö ngih panam?”
Sitih ṙô öm min më-eṅ?
MINË HAKÖP HĪ NGAICH
Hö-ö yin vē tökô-en Kristīön nö aṅ ngih panam. Inup mufēre, inup ṙôre hēk inup la-enre inrē, ma-anyre yin nö öt hēngö kahë tö lā-are.
Sitih ṙô öm më-eṅ?
Asuh nup tö mihôiṅ kahëtö hī in më mā mahayöng ing panam?
Kūö yòh öi ötkô hēngö kahë tö lā-are in në la-en vē mā ing panam?
Asuh nup lāinyngen hī kò-òren min öi kihngen yěi öt hēngö kahë tö lā-are öi ikūö ngih panam?
NGËICHKÖ NË INRĒ
Kūö yòh öi min kò-òren hòṅ harööngenre yěi sō öi hēngö kahë tö lā-are?
Sitih inlahen yip min aṅ ngam mikūönö meh, yěn hòṅ hööngöre tö nup kinlahare kūö cha nö öt hēngö lā-a?
Tökiröng òfisör sin ngam tarik tö la-evṙen nö laklö panamre, hěng pöri ngam tökiröng minlēken ò nö kinë-ekūö ò. Töi mikahtökūöre töm kinë-ekūö ò.
Hö-ö yin vē tökô-en Kristīön nö aṅ ing panam. Ngatī mufē öm më-eṅ yěm katöllö nup kinmānöre? Töi mikahtökūöre.
“Höng Kö Keun Kumre Ngòh Töhěng Tak Tarik” (Chūökamahati-HI, Māch 15, 2006)