Mana tithomba ta moya ati u nga ti thumisako ditshiku ni ditshiku

Mbimo yi hi lerako Bhiblia hi nga xola tithomba ta moya ngu ku maha wuxolisisi. Hi nga londolisa kutxani wuxolisisi wonewo?

Maha wuxolisisi wo tshima wa titxhamuselo to kari ta madungula ya mu ka Bhiblia. Ngu txikombiso, tiwotise tiya: I mani m’bhali? A txi bhalela mani? Di bhatwe ngu mbimo muni didungula diya? Ngu sihi siemo si patekako? Ngu tihi ti nga maheka makhatoni? Ni ku ngu msana kumahekile txani?

Pimisa ngu tigondo ati u nga ti gondako. Ngu txikombiso, tiwotise tiya: ‘Vathu va didungula diya va ti pfisile kutxani? Ngu tihi tifanelo ati va nga ti kombisa? Ngu kutxani ni fanelako kuetetela tifanelo toneto? Ngu sihi simaho so biha asi ni fanelako ku si vayilela?’

Thumisa tigondo ati u ti gondako u di thembweni mwendo ka nzila yi u hanyisanako ngu yona ni vamwani ditshiku ni ditshiku. Ngako u txi maha toneto, u na va u txi kombisa wutxhari, nga ha Bhiblia yi wombako ngu kona: “Awule i ku wo ziva, a na yi wonisisa mhaka yiya.”—Mas. 107:43.

• Mawonelo: Wona nzila yi madungula aya hi ma manako ka txienge txa Tithomba ta mu ka Dipswi da Txizimu ka mitshangano ya hagari ka divhiki, ma hi vhunako kuveka mapimo ka ti hi ti gondako amu ka Bhiblia. Txienge txonetxo txi talisa kuva ni siwotiso asi hi nga ti mahako sona, maponto ya ti hi nga alakanyisisako ngu tona ni mifota ayi hi nga yi gondako.