Hi nga ma thumisisa kutxani mavhidhiyo a gondo ya Bhiblia

Hi ni 4 wa mavhidhiyo a gondo ya Bhiblia kasi ku hi ma thumisa hi txi txhumayela. Ma mahetwe txani?

• 

  Ngu kutxani hi txi gonda Bhiblia?—Txienge txo lapha: Vhidhiyo yiya, yi mahetwe ti to vathu ve tsakela kugonda Bhiblia ku si nga ni mhaka ni ti va kholwako ka tona mwendo wukhongeli wawe. Yona yi kuzeta vathu ti to ve xola tixamulo ta siwotiso sa lisima ka wutomi kasi ku ve mana tixamulo ta tinene amu ka Bhiblia. Yi txhamusela to u nga kombelisa kutxani gondo ya Bhiblia.

• 

  Ngu kutxani hi txi gonda Bhiblia? (ayi yo koma): Vhidhiyo yiya, ya fana ni yi ya txienge txo lapha kambe yona yi komile ngutu. Ayiya yi thumela ngutu amu vathu va kona va zumbako va di jahile.

• 

  Yi mahiswa kutxani gondo ya Bhiblia? Vhidhiyo yiya, yi mahetwe kukuzeta vathu kugonda ni nathu Bhiblia ni kumana tixamulo ta siwotiso so toloveleka. Yi tshumela yi kombisa to hi nga kombelisa kutxani gondo ya Bhiblia.

• 

  Wa hoyozelwa ka gondo ya Bhiblia: Vhidhiyo yiya, yi mahetwe kukomba sigondo sa Bhiblia. Hambiku vhidhiyo yiya kuwomba-wombwako ngu yona ka pajina 2 ya dibhuku adi di ku Hanya wutomi wo tsakisa kala kupinduka!, yi nga kombiswa hambi mi txi gonda dibroxura da kona. Yona yi txhamusela ati ti ku mndani ka dibhuku ni ti a no ti mana mbimo yi a no gonda.

Hambiku vhidhiyo yimwani ni yimwani yi ku ni txikongomelo txa yona, totshe hi nga komba vathu mwendo ku va rumelela ngako ti txi fanela. Votshe vahuweleli va kuzetwa kutolovelana nawo ni ku ma thumisa kwati ka mthumo wo txhumayela.