Ditima do sawuleka do huwelela Mfumo wa Txizimu ngu Setembro!

Kukhukhela ngu Setembro, hi na maha totshe ti hi no ti kota kasi ku gela vathu ti to Mfumo wa Txizimu ngu wona dwe wu no lulamisa sikarato sa vathu. (Mat 24:14) U nga patekisa kutxani? Ka mtxima wuwa, komba vathu m’bhalo wu wu womba-wombako ngu Mfumo wa Txizimu. Ngako u txi mana m’thu wo tsakela mninge direvhista da Muwoneleli No. 2 2020. Maha liendo lo wuyela ngu txikuluveta, u zama kukhata gondo ya Bhiblia ngu kuthumisa dibroxura di di ku Hanya wutomi wo tsakisa kala kupinduka! Votshe ava va tsakelako kuthuma kota vanyaphandule vo vhuneta ka mtxima wuwa va nga sawula ku ningela 15 mwendo 30 wa mawora.

I si nga kale, Mfumo wa Txizimu wu na thavisa yotshe mifumo yi yi lwisanako nawo. (Dhan 2:44; 1Vak 15:24, 25) Nga hotshethu hi nga pateka ngutu ka ditima diya do sawuleka kasi ku hi kombisa kuseketela kwathu Jehovha ni Mfumo wakwe.