Txiwuletiso txa txienge 6

Mbimo yi Vaisrayeli va nga hoka ka ditiko da txithembiso, vona va txi tsula ka ditenda do sawuleka kasiku ve ya khozela kona Jehovha. Vaprista va txi gondisa Mlayo, se valamuli va txi ningela yimwani mikongomiso ya Txizimu kasiku vathu ve ziva ati va nga di fanete ku ti maha. Matimu aya ma londiselako, ma na kombisa nzila yi sisungo ni simaho sa m’thu si nga gwesako ngu yona wuxaka wakwe ni Jehovha. Ni nzila yi si nga vhunako ngu yona vamwani kumaha tatinene mwendo to biha. Kombisa nzila yi Dhebhora, Nowemi, Joxuwa, Ana, mwanana wa Jefta ni Samuwele, va ngava sikombiso sasinene so khozela Jehovha ka vamwani. Kombisa nzila yi Rahabhi, Rute, Jayeli ni Vagibhiyoni kumweko ni vathu vamwani va nga sawula kuva ka didhawa da Vaisrayeli nguku va nga wona ti to Txizimu txi ti navo.