Gikan sa Among mga Magbabasa

Pagdani sa Pagtahod sa mga Ginikanan

Buot kong mopasalamat kaninyog dako sa artikulong “Mga Batan-on Nangutana . . . Sa Unsang Paagi Akong Madani ang Pagtahod sa Akong mga Ginikanan?” (Abril 22, 1985) Gikalipayan ko gayod kaayo ang bahin nga nag-ingon: ‘Kon gitinguha mo ang pagtahod sa imong mga ginikanan, tagda sila nga may pagtahod.’ Nakapahimulos kaayo ko ug dako niining artikuloha.

J. W., Wisconsin

Mga Kaminyoon sa Tin-edyer

Salamat kaayo kaninyo sa inyong mga artikulong “Kaminyoon sa Tin-edyer​—Kalipay kun Kasakit?” ug “Unsa ka Maalamon ang Kaminyoon sa Tin-edyer?” (Pebrero 22, 1984) Dawaton ko nga ang mga kasinatian sa duha ka artikulo nagpunting sa akong kahimtang karon. Kon kining mga artikuloha napatik pa sa wala pa ako makahimog desisyon sa pagminyo, seguradong makadangat unta ako ug maalamong desisyon. Ang lama ug kasakit ania kanako. Palihog ipadayon ang pagpatik sa mga artikulo nga sama niini alang sa ikaayo niadtong mga makabasa kanila ug magpasibo sa ilang panglantaw sa dili pa magminyo.

E. B., Nigeria

Uso nga mga Besti

Buot akong magpasalamat kaninyo sa inyong mga artikulong “Fig Leaves, Fashions and Figures” ug “I Have Nothing to Wear!” (Nobyembre 22, 1984; Disyembre 8, 1984 sa Ingles) Karon nakaamgo ako nga pagkadaghan diay sa akong masul-ob, salamat sa mga artikulo. Nakatabang sila kanako nga mahimong mas organisado.

L. F., California

Bag-o pa lamang nakong nabasa ang artikulong “Fig Leaves, Fashions and Figures.” Nagtrabaho ako ingong Image/Color Consultant, ug kining impormasyona kaamgid kaayo sa akong gigamit sa pagtrabaho sa uban sa akong mga kliyente sa pag-analisar sa kolor ug pagpaangay sa besti.

C. J., Texas

Buot akong magpahayag ug apresasyon sa mga artikulong “Fig Leaves, Fashions and Figures” ug “I Have Nothing to Wear.” Tinuod nga maayo kaayo kining mga artikuloha, nga nagpakita nga ang ‘Labing Maayong Mamisteng Babaye, nakabaton niini sa “sulod” ug sa “gawas.” Ug dili niya ikompromiso ang iyang Kristohanong mga prinsipyo sa pagbuhat niini. Dugang pa, giapresyar nako ang impormasyon nga aplikado usab sa mga lalaki bahin sa besti ug Kristohanong personalidad.

R. E., Illinois

Akong nakita ang inyong artikulo “Fig Leaves, Fashions and Figures” nga impormatibo kaayo, apan dawaton usab nakong gibati ako nga daw wala malakip niini. Tungod sa pisikal nga kakulian, maglakaw ako uban sa tabang sa suportar sa batiis ug sungkod. Maulaw kaayo ko bahin niini, maoy hinungdan nga ginatago nako ang suportar sa batiis pinaagi sa pagsul-ob ug karsones sa tanang panahon. Nakapabati kini kanakong lahi gikan sa ubang mga babaye, ilabina sa kahimtang nga sila sa kinatibuk-an magsul-ob ug sayal ug mga senina. Palihog tagai akog pipila ka tiniman-anan sa urog alang sa mga babayeng mibati nga karsones lamang ang ilang isul-ob.

M. S. California

Adunay mga sirkumstansiya, sama niadtong gihisgotan, diin ang karsones mas tukmang isul-ob ug maligdong nga matang sa sapot. Kon mao, ang tiniman-anan sa urog mao ang pagpilig estilo sa karsones nga maanindot, nga eksakto kaayo sa lawas, ug makaabot sa kinahanglanon sa ‘maayong pagkaangayng besti uban sa mabuot nga hunahuna.’ (1 Timoteo 2:9) Nan isul-ob ang ingon niini uban sa dignidad nga angay sa okasyon.—ED.