Nahibalo Ka Ba?
(Mga tubag niining maong pasulit hikaplagan diha sa gisitar nga mga teksto sa Bibliya, ug ang bug-os nga listahan sa mga tubag gipatik sa panid 22. Alang sa dugang impormasyon, tan-awa ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Unsay gigamit sa Diyos sa paglalang sa materyal nga uniberso? (Genesis 1:2)
2. Pinaagi sa mga kahayag sa hawan sa langit, alang sa unsa nga gitagana ni Jehova ang pasikaranan? (Tan-awa ang Genesis 1:14.)
3. Unsay gilaomang mahitabo sa mga sulugoon ni Senakerib pinaagi sa pagsulting kusog ug sa kaugalingong pinulongan sa mga Hudiyo ngadto sa mga Hudiyo sa paril sa Jerusalem? (2 Cronicas 32:18)
4. Unsang galamiton sa pag-uma ang gigamit sa karaang kapanahonan sa paghinlo sa mga bunglayon gikan sa yuta? (Isaias 7:25)
5. Unsang ngalan ang gihatag ngadto sa sagradong binordahang sudlanan, nga nasudlan sa Urim ug Thummim, nga isul-ob sa hataas nga saserdote ibabaw sa iyang kasingkasing sa dihang mosulod siya sa Balaan? (Exodo 28:29, 30)
6. Sumala sa balaod sa Diyos, unsa ang minimong gidaghanon sa mga saksi ang gibaod aron mapamatud-an ang usa ka butang? (Hebreohanon 10:28)
7. Unsa ang ngalan sa Israelinhong manggugubat nga maoy nagpatay kang Lahmi, ang igsoon ni Goliat? (1 Cronicas 20:5)
8. Kinsa ang hataas nga saserdote nga maoy nagsugo nga ipapatay ang tuman-kadaotang Rayna Atalia? (2 Hari 11:15, 16)
9. Unsay giingon sa Bibliya nga mahimo sa usa ka tawo ngadto sa “nawong” ni Jehova sa dihang mangaliyupo alang sa pagpasaylo? (Exodo 32:11)
10. Kinsang anak ni Jacob ang dunay ngalan nga nagkahulogang “Bulahan,” nga gipasukad sa gipatugbaw ni Lea sa panahon sa pag-anak kaniya? (Genesis 30:11)
11. Unsa ang ngalan sa batoong bukid nga ibabaw niana gitukod ni Solomon ang templo ni Jehova? (2 Cronicas 3:1)
12. Unsay kahulogan sa titulo ni Jesus nga “Kristo”? (Buhat 4:26)
13. Unsay giingon ni Jesus nga kinahanglang buhaton aron “pagsulod agi sa sigpit nga pultahan”? (Lucas 13:24)
14. Unsang ngalan ang gihatag ngadto sa kataposan sa yutan-ong mga linalang sa Diyos nga gitaho diha sa Bibliya? (Genesis 3:20)
15. Sa una pang panahon, unsay pagbanabana sa Diyos sa mga kasingkasing sa katawhan? (Genesis 8:21)
16. Ang anak babaye ni kinsang Midianhong hari ang gipatay ni Pinehas, nga nagtapos sa hampak sa Diyos diha sa Israel? (Numeros 25:15)
17. Unsay gigamit sa asawa ni David nga si Michal sa pagbitik sa mga mensahero nga gisugo ni Saul sa pagpatay kang David? (1 Samuel 19:11-16)
18. Sa unsa gibubo sa ikapitong manulonda ang iyang panaksan sa kasuko sa Diyos? (Pinadayag 16:17)
19. Unsang termino ang gigamit sa Bibliya sa pagtawag sa katawhan nga dili Israelinhon ug kagikan? (Esdras 10:2)
20. Kinsang anak ni Juda, kay walay mga anak lalaki, ang naghatag sa iyang anak babaye ngadto sa iyang sulugoong si Jarha aron magpadayon ang iyang banay? (1 Cronicas 2:34, 35)
21. Unsay nagtukmod kang Uzza, samtang nagdala sa arka sa pakigtugon, sa paghawid niana? (1 Cronicas 13:9, 10)
22. Unsa ang bugtong asoy sa Bibliya nga naghisgot ilabina sa buluhaton sa usa ka propeta sa pagmantala sa mensahe sa kalaglagan ngadto sa usa ka dili-Israelinhong siyudad?
23. Unsa may dili mahimo sa Diyos? (Hebreohanon 6:18)
24. Sa dihang si Jehova mohatag ug panalangin, unsay dili niya idugang niana? (Proverbio 10:22)
25. Unsa ang mga butang nga gikuha ni David gikan sa tapad sa ulo ni Saul samtang si Saul natulog, sa pagpamatuod nga siya dili modaot kaniya? (1 Samuel 26:12)
26. Unsay gibuhat ni Jesus sa paglikay nga batohon? (Juan 8:59)
Mga Tubag sa Pasulit
1. Iyang aktibong puwersa
2. Kalendaryo
3. Paghadlok ug pagtugaw kanila
4. Sarol
5. Taming
6. Duha
7. Elhanan
8. Jehoiada
9. Pagpahumok niana
10. Gad
11. Bukid Moria
12. Dinihogang Usa
13. “Panlimbasogi ninyo pag-ayo”
14. Eva
15. “Daotan sukad sa iyang pagkabata”
16. Zur
17. Usa ka terapim nga imahen ug usa ka unlan nga balhibo sa kanding
18. Ang hangin
19. Langyaw
20. Sheshan
21. Ang mga torong baka halos nakapatuwang
22. Ang basahong Jonas
23. Pagbakak
24. Kasakit
25. Usa ka bangkaw ug sudlanan ug tubig
26. Nagtago siya