AMIHUD

[Ang Akong Katawhan Maoy Dignidad].

1. Usa ka Epraimnon, amahan ni Elisama nga pangulo sa tribo ni Epraim sa ikaduhang tuig human sa pagpanggula gikan sa Ehipto (1512 W.K.P.). (Num 1:10; 2:18) Siya maoy usa ka katigulangan ni Josue (Jehosue).​—1Cr 7:​26, 27.

2. Usa ka Simeonhon, amahan ni Semuel nga pangulo sa tribo ni Simeon nga gitudlo aron motabang sa pagbahinbahin sa Canaan taliwala sa mga tribo sa Israel (mga 1467 W.K.P.).​—Num 34:20.

3. Naggikan sa tribo ni Neptali, ug amahan ni Pedahel, kinsa mao ang pangulo nga gitudlo wala madugay una pa sa kamatayon ni Moises aron motabang sa pagbahinbahin sa yuta sa Canaan taliwala sa mga tribo sa Israel.​—Num 34:28.

4. Amahan ni Talmai nga hari sa Gesur ug apohan ni Maaca nga inahan ni Absalom, ang anak nga lalaki ni David. Si Absalom mikalagiw ngadto sa Gesur human patya ang iyang igsoon-sa-amahan nga si Amnon.​—2Sa 3:3; 13:37.

5. Anak nga lalaki ni Omri ug kaliwat ni Perez, ang anak nga lalaki ni Juda. Siya mao ang amahan ni Utai, kinsa gitala ingong lakip sa unang mga molupyo nga nagpuyo sa Jerusalem human sa pagkadestiyero sa Babilonya.​—1Cr 9:​2, 4.