Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • wp18 Num. 2 p. 3
  • Mga Prediksiyon Bahin sa Umaabot

Walay video nga available.

Sorry, dunay problema sa pag-load sa video

  • Mga Prediksiyon Bahin sa Umaabot
  • Ang Bantayanang Torre Nagapahayag sa Gingharian ni Jehova (Publiko)—2018
  • Susamang Materyal
  • Kon Nganong Ikaw Makasalig sa Tagna sa Bibliya
    Ang Bantayanang Torre Nagapahayag sa Gingharian ni Jehova—1999
  • Mga Tagna nga Natuman
    Ang Bantayanang Torre Nagapahayag sa Gingharian ni Jehova (Publiko)—2018
  • Pagpangita ug Kasaligang mga Panagna
    Ang Bantayanang Torre Nagapahayag sa Gingharian ni Jehova—1999
  • Duna bay Makakita sa Umaabot?
    Ang Bantayanang Torre Nagapahayag sa Gingharian ni Jehova—2014
Uban Pa
Ang Bantayanang Torre Nagapahayag sa Gingharian ni Jehova (Publiko)—2018
wp18 Num. 2 p. 3
Reporter nagbalita bahin sa kahimtang sa panahon

Mga Prediksiyon Bahin sa Umaabot

Nakahunahuna ba ka kon unsay kaugmaon nimo ug sa imong pamilya? Madato o magkalisodlisod? Malipayon o magul-anon? Taas ug kinabuhi o mubo ra? Nakapangutana ang mga tawo niini sulod na sa libolibo ka tuig.

Karon, gitun-an sa mga eksperto ang mga panghitabo sa kalibotan ug naghimog mga prediksiyon bahin sa umaabot. Bisag daghan niini ang natinuod, ang uban wala, gani layo ra kaayo sa tinuod. Pananglitan, niadtong 1912, si Guglielmo Marconi, ang imbentor sa wireless telegraph, naghimog prediksiyon: “Wala nay mahitabong giyera kon wireless na ang paagi sa komunikasyon.” Ug niadtong 1962, wala dawata sa usa ka ahente sa Decca Record Company ang bandang Beatles kay nagtuo siya nga hapit nang molaos ang mga gitarista nga banda.

Daghan ang gustong mahibalo bahin sa ilang kaugmaon, maong mangayo silag tambag sa mga astrologo. Gani, regular nga makita ang horoscope diha sa daghang magasin ug newspaper. Ang uban mokonsultag mga mananag-an o espiritista, nga makabasa kuno sa umaabot pinaagi sa paghatag ug kahulogan sa mga tarot card, numero, o mga linya sa palad.

Kay gusto kaayong mahibalo bahin sa umaabot, ang pipila sa karaang panahon mikonsulta sa mga mananag-an​—mga lalaki o babaye nga magpasag impormasyon nga gikan kuno sa diyos nga ilang girepresentahan. Pananglitan, giingon nga si Haring Croesus sa Lydia nagpadalag mahalong mga regalo para sa mananag-an sa Delphi, Gresya, aron mahibalo kon unsay mahitabo kon makiggubat siya kang Ciro nga hari sa Persia. Ang mananag-an miingon nga dunay “usa ka dakong imperyo” nga mapildi kon makig-away siya kang Ciro. Kay nagtuo nga siyay makadaog, si Croesus misulong, pero ang dakong imperyo nga napildi mao ang iyang imperyo!

Ang dili klarong prediksiyon sa mananag-an walay pulos; isipon kining tinuod bisag kinsa pa nila ang makadaog. Napildi si Croesus tungod sa sayop nga impormasyon. Komosta kadtong misalig sa sikat nga mga paagi sa pagpanag-an karon?

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa