Pasidunggi si Jesu-Kristo—Ang Patukoranan sa Atong Pagtuo
1 Hinungdanon nga masabtan ang papel nga gidula ni Jesu-Kristo diha sa katumanan sa mga katuyoan ni Jehova. (Mat. 20:28) Kon wala ang mga tagana ni Jehova pinaagi ni Jesu-Kristo, kita walay paglaom sa ugma-damlag.
2 Sa panahon sa Memoryal ilabina, atong ginabanaag ang kinabuhi ni Jesus, ang iyang mga pagtulon-an, ug iyang halad. (Luc. 22:19) Tungod sa pagpabili nga ang “Diyos mirekomendar sa iyang kaugalingong gugma nganhi kanato kay, samtang kita mga makakasala pa, si Kristo namatay alang kanato,” kita mapalihok sa pagpasidungog sa Diyos ug kang Kristo. Sa unsang paagi atong mahimo kini?—Roma 5:8, 10.
PAGPASUNDAYAG SA PASALAMAT
3 Kita nagaila nga ang makitang kapunongan ni Jehova nagabuhat ubos sa pagkaulo ni Jesus. Ang matinumanong ulipon nga matang nagahatag kanatog espirituwal nga kalan-on nga atong gikinahanglan. Gikan pa sa iyang pagkabata padayon, si Jesus mipakitag dulot nga apresasyon sa Pulong sa Diyos, ug buot tang mosunod sa iyang panig-ingnan pinaagig pagtuon sa espirituwal nga pagkaon nga gitagana uban sa tumong sa pagtudlo sa uban nga epektibo. (Mat. 24:45, 46; Luc. 2:46-50) Ang atong pagkamapasalamaton sa organisasyon madayag pinaagi sa atong pagsunod sa gimbut-an niini ug sa pagkooperar sa mga ansiyano.
4 Atong ikapakita usab ang pasidungog kang Kristo pinaagig pagpadapat sa atong nakat-onan gikan sa Pulong sa Diyos. Si Jesus “gilain gikan sa mga makasasala.” (Heb. 7:26) Siya wala ing sala sa pagsultig usa ka butang ug pagbuhat nga sukwahi. Ingong kaubanang mga ulipon, gikinahanglan tang magkinabuhi sumala sa hataas nga sukdanan. Busa sa isulti ta sa uban bahin sa matarong bag-ong sistema, buot ta nga magkinabuhi na karon diha sa paagi nga magpaila kanato uban nianang bag-ong kalibotan.—Mat. 7:21; 1 Cor. 1:18; 1 Juan 2:17.
PAGSANGYAW UBOS SA PAGKAULO NI KRISTO
5 Sa Marso atong itanyag ang librong Pinadayag, nga nagapatin-aw sa mensahe ni Jesu-Kristo alang sa atong adlaw. (Pin. 1:1) Magmasiboton kita sa pagpatin-aw kon sa unsang paagi ang katuyoan sa Diyos sa di na madugay modangat sa sangkoanan niana pinaagi sa hari, si Jesu-Kristo.
6 Ang dakong panon sa katawhan magpakitag pagtahod kang Jesus pinaagig pagtambong sa Memoryal niining bulana. Kini ba sila mabuligan nga mouswag pinaagig personal nga pagtuon sa Bibliya? Paneguroon ta nga may usa nga motabang kanila aron nga sa sunod nga Memoryal, sila magapakig-ambit na sa ministeryo.
7 Pagkamapasalamaton ta sa mahigugmaong halad sa atong Manunubos, si Jesus! Pasidunggan ta siya pinaagig pagsunod sa iyang maayo kaayong panig-ingnan.