Mga Tigom nga Motabang Nato sa Paghimog Tinun-an
SEMANA SA OKTUBRE 8-14
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ikaw ba nasangkapan alang sa kanataran? Larawa ang mga gikinahanglan alang sa pag-alagad sa kanataran nga bag, apil ang Bibliya, Nangatarongan Pinasukad sa Kasulatan, ang pulyetong Good News for All Nations, ‘tracts,’ lapis, kinabag-ohang igtatanyag ug mga magasin, house-to-house record, ug uban pa. Ang pagkanasangkapan sa pangisip nagakinahanglan sa pagrepaso sa mga puntos nga igapasiugda diha sa literatura. Usab, pag-ampo alang sa balaang espiritu ug tabang sa pagkaplag sa mga karnerohon.—Filip. 4:6, 7.
20 min: “Magmasiboton sa Pagmantala sa Balita sa Gingharian.” Tagdon sa pangutanag tubag. Human mahisgoti ang parapo 7, ipasundayag ang paagi sa pagtanyag sa suskrisyon ingon sa gisugyot sa maong parapo. Gamitang Ulohan nga Mahisgotan. Ipasiugda ang panginahanglan nga magmasiboton diha sa pag-alagad sa kanataran.
15 min: Ansiyano nagapakigsulti sa pipila sumbanang mga batan-on. Hisgoting dagkong puntos gikan sa librong Mga Pangutana sa Batan-on, kapitulo 17, “Angay Bang Moundang Ako sa Pag-eskuyla?” Ipasiugda ang panginahanglan sa mga ginikanan sa paggiya sa mga batan-on diha sa pagpili sa ‘curriculum’ nga moabag kanila sa pagtukod sa ilang kaugmaon uban sa organisasyon sa Diyos ug sa pagpangagpas sa intereses sa Gingharian.
Awit 225 ug paniklop nga pag-ampo.
SEMANA SA OKTUBRE 15-21
10 min: Lokal nga mga pahibalo. Taho sa kuwenta ug donasyon nga mga balos-pasalamat. Dayega ang kongregasyon sa suportar sa tibuok-kalibotang buluhaton.—Prov. 3:9.
20 min: “Magmaalisto sa Pagsugod ug mga Pagtuon sa Bibliya.” Hisgotan sa pangutanag tubag. Ibutyag ang gidaghanon sa mga pagtuon nga ginadumala sa kongregasyon. Sa parapo 5, ipakita ang paagi nga mahimong masugdan ang pagtuon sa unang duaw. Ipasundayag ang diretsong paagi, nga nagagamit sa usa sa mga pasiuna diha sa librong Nangatarongan, panid 12 ubos sa “Pagtuon sa Bibliya sa Balay.”
15 min: “Among Gipabilhan ang mga Tigulang!” Pakigpulong sa ansiyano, binase sa impormasyon sa Pebrero 1, 1986, Bantayanang Torre, mga panid 28-9. Paghimog lokal nga kapadapatan. Komentohan ilabina ang pagsangyaw uban niini kanila diha sa kanataran, nga hinayhinay ang paglakaw aron makakuyog.—Job 15:10; Prov. 16:31; 1 Tim. 5:1, 2.
Awit 116 ug paniklop nga pag-ampo.
SEMANA SA OKTUBRE 22-28
10 min: Lokal nga mga pahibalo. Teokratikanhong mga Balita. Ipahinumdom ang mga kahikayan sa pag-alagad sa kanataran, nga nagadasig sa pagsuportar sa pagsangyaw sa magabii.
20 min: “Pagpabili sa Atong mga Payunir.” Hisgotan sa magtatan-aw sa pag-alagad ang impormasyon uban sa duha o tulo ka payunir. Pasultiha ang mga payunir kon sa unsang paagi sila nakapalig-on sa uban, ug pakomentohon sila kon unsa ilabina ang nakapalig-on kanila sa lokal. Dayega ang kongregasyon sa suportar alang sa mga payunir.
15 min: “Sa Dihang Magatudlo, Abota ang Kasingkasing.” Pakigpulong nga nagahisgot sa upat ka dagkong puntos sa Pebrero 1, 1985 nga Bantayanang Torre, mga panid 14-20 (Agosto 1, 1984 sa Ingles, pp. 13-17). Tabanging tigpaminaw sa pagpabili sa panginahanglan sa pagdumalag mauswagong mga pagtuon sa Bibliya. Usab, komentohi kon kanus-a hunongon ang di-mabungahong mga pagtuon.
Awit 121 ug paniklop nga pag-ampo.
SEMANA SA OKT. 29–NOB. 4
8 min: Lokal nga mga pahibalo. Idasig ang buluhatong magasin sa Sabado. Duha ka mubong pasundayag, ang usa nga may interes nga gipakita, ang ikaduha ang tagbalay walay interes sa mga magasin apan nagauyon nga basahon ang ‘tract.’ Diin gipakita ang interes, mahimong tultolan sa magmamantala ang tawo ngadto sa pahayag bahin sa tibuok-kalibotang edukasyonal nga buluhaton sa Bibliya sa panid 2 sa Ang Bantayanang Torre o panid 4 sa Pagmata! Basin ang panaghisgot mohatod ngadto sa tanyag sa walay bayad nga pagtuon sa Bibliya sa balay.
15 min: “Pagtanyag sa Maayong Balita—Uban sa Librong Pulong sa Diyos.” Hisgotan sa pangutanag tubag. Sa pagtagad sa parapo 4, ipasundayag ang sinugyot nga presentasyon sa pagtanyag sa librong Pulong sa Diyos. Sa pagtagad sa parapo 5 sa artikulo, usa ka payunir mopasundayag nga nagagamit sa pasiunang parapo sa panid 5 sa pagtanyag sa libro diha sa teritoryong negosyohanan o sa kadalanan.
22 min: “Tambong sa ‘Putling Pinulongan’ Distritong Kombensiyon”—Bahin Uno. Hisgotan sa tigpaminaw ang mga parapo 1-15 ug mubong pagsubli sa “Distrito Kombensiyong mga Pahinumdom.”
Awit 65 ug paniklop nga pag-ampo.
SEMANA SA NOBYEMBRE 5-11
10 min: Lokal nga mga pahibalo. Ilakip ang mga kahikayan sa pagsangyaw sa hinapos-semana. Paghimog mga sugyot kon unsang mga artikuloha sa kinabag-ohang mga magasin ang ilabinang mosaler ngadto sa mga tawo diha sa lokal nga teritoryo.
10 min: Mga Panalangin Gumikan sa Pagpadapat sa Atong Nakat-onan. Ipasugid ang maayo-pagkaandam nga mga eksperiyensiya kon sa unsang paagi ang mga butang nga nakat-onan gipadapat ug ang mga panalangin nga natagamtam sa mga indibiduwal nga nagpadapat niana. Palig-onang tanang magmaigmat sa pagpadapat sa mga butang nga nakat-onan sa mga asembliya, senemanang mga tigom ug gikan sa mga basahon sa Sosyedad.
25 min: “Tambong sa ‘Putling Pinulongan’ Distritong Kombensiyon”—Bahin Dos. Hisgotan uban sa tigpaminaw ang mga parapo 16 ngadto sa 29 sa suplemento. Ipasiugda ang Kasulatanhong mga prinsipyo nga mao gayoy mogiya sa atong pamatasan didto sa mga kombensiyon. Dasigang mga igsoon nga repasohon ang maong suplemento uban sa mga estudyante sa Bibliya ug abagan sila sa paghimog mga kahikayan sa pagtambong.
Awit 127 ug paniklop nga pag-ampo.