Tun-anang mga Pangutana sa Brosyur nga Sa Unsang Paagi ang Dugo Makaluwas sa Imong Kinabuhi?

Sa mga bahin niining mga panagtuon, gihimo ang reperensiya ngadto sa apendise, mga panid 27-31. Ang mga komento sa gipunting nga mga parapo mahimong ilakip sa pagtuon, nga ginabasa ang mga parapo sa apendise segon sa itugot sa panahon.

UNANG SEMANA

Panid 2

1-4. Ngano nga nunot-panahon ang pagtagad kon sa unsang paagi ang dugo makaluwas sa mga kinabuhi? (Tan-awang panid 27, mga parapo 1-3.)

Panid 3

1, 2. Ngano nga kinaiyahan man ang paglantaw sa kinabuhi ingon nga nalangkit sa dugo, ug sa unsang paagi nalangkit ang Diyos niining bahina?

3, 4. Nganong angay man tang maikag kon unsay giingon sa Diyos bahin sa dugo?

5. Alang sa unsang katarongan nga kita angayng magtagad sa Genesis 9:3-6, ug unsa man ang kahinungdanon nianang maong pahayag?

6. Ang mga Israelita maoy ubos sa unsang mga obligasyon maylabot sa dugo?

Panid 4

1, 2. Sa unsang paagi ang kasugoan sa Diyos nakapulos sa karaang Israel, apan unsa man ang pangunang rason nganong gilikayan sa Israel ang dugo?

3. Unsaon man pagtagad ang balaod sa dugo panahon sa emerhensiya?

Panid 5

1, 2. Mahitungod sa balaod sa dugo, unsang panig-ingnan ang gipahiluna ni Jesus?

3, 4. (a) Unsay gitino sa usa ka apostolikong konsilyo bahin sa mga Kristohanon ug sa dugo? (b) Unsaon nato pagtino kon ang pagdumili ba sa dugo mao lamay usa ka temporaryong sugo?

5. Sumala sa mga apostol ni Jesus, unsa ka hinungdanon ang paglikay sa dugo?

6, 7. Unsay gipakita sa dugang ebidensiya nga ang sugo bahin sa dugo maoy usa ka permanenteng kinahanglanon?

Panid 6

1, 2. Sa unsang paagi ang dugo gigamit sa panambal sa una-Kristohanong kapanahonan?

3. Giunsa pagsanong sa unang mga Kristohanon ang paggamit sa dugo, bisan sa panambal, sa Romanong kapanahonan?

4-6. (a) Sa unsang paagi misugod ang paggamit sa mga pag-abunog dugo? (b) Tungod sa balaod sa Diyos, nganong sayop man ang pag-abunog dugo ngadto sa kaugatan?

7. Nganong modumili man ang mga Saksi ni Jehova sa pagpadugang ug dugo? (Tan-awang panid 27, mga parapo 4-6, ug panid 28, parapo 1.)

Panid 7

1. Bisan tuod nga ang pangunang rason nga gilikayan sa mga Kristohanon ang pag-abunog dugo maoy relihiyoso, nganong angay man natong susihon ang medikal nga mga bahin sa pagpanambal sa dugo?

IKADUHANG SEMANA

Panid 7

2, 3. Unsa man ang gihuptang dapit sa pag-abunog dugo sa modernong medisina?

4, 5. Nganong makataronganon ang pagtagad kon peligro ba ang mga pag-abunog dugo?

Panid 8

1. Maalamon tang mangutana sa unsa mahitungod sa mga pag-abunog dugo?

2, 3. Ngano nga ang pagtipog-dugo ug pagpaangay niana makuyaw apan dili pa gayod igo?

4, 5. Sa unsang paagi ang pag-abunog dugo makapahinabog mga suliran sa pagkadimatakdan-sa-sakit?

6, 7. Unsang kadaot ang hayan mahimo sa pag-abunog dugo human sa operasyon sa kanser?

8. Unsay kahulogan sa ebidensiya mahitungod sa pag-abunog dugo ug sa operasyon sa kanser?

Panid 9

1, 2. Ang mga pag-abuno makahimog unsa pang kadaot sa pagkadimatakboyan-sa-sakit?

3, 4. Nganong ang katawhan kinahanglang masayod sa kapeligrohan nga matakdag sakit gikan sa mga pagpadugang ug dugo?

Panid 10 (Kahon)

1, 2. Unsa ka seryoso ang riyesgo maylabot sa dala-pag-abuno-dugo nga hepatitis?

3. Sa usa ka punto, ngano nga ang kapeligrohan nga matakdag hepatitis gikan sa dugo maorag nabuntog?

4, 5. Unsang mga kaugmaran ang nagpamatuod nga ang kapeligrohan nga matakdag hepatitis gikan sa dugo dili pa ikasalindot?

6-8. Nganong ang kabalaka sa hepatitis dili usa ka butang nga nangagi na?

Panid 11

1. Unsa ang mahimong mag-ilustrar nga ang mga riyesgo sa sakit bahin sa dugo dili pa mawagtang?

2-4. Sa unsang paagi ang dugo magladlad sa usa sa mga sakit nga dili kasagaran sa iyang dapit? (Tan-awa usab ang kahon, panid 11.)

5-7. Sa unsang paagi ang pagkamakaylapon sa AIDS nagapakita nga ang bag-o, makamatay nga mga sakit ikalangkit sa dugo?

par. 8 ngadto sa Panid 12, par. 1. Nganong ang paggamit sa mga pagsulay sa pagmatikod sa mga ‘antibodies’ sa kagaw sa AIDS dili pa garantiya nga ang dugo luwas sa peligro?

Panid 12

2-4. Nganong ang hulga sa kagaw sa AIDS dili mao ang kataposan sa butang?

5, 6. Unsang makataronganong mga kabalaka ang anaa sa mga eksperto bahin sa nagsumikad-dugo nga mga kagaw?

IKATULONG SEMANA

Panid 13

1, 2. Kinsa ang gustog dekalidad medikal nga pag-atiman, ug unsay nahilakip niini?

3-5. Unsaon nimo pag-ilustrar nga adunay mga kapilian sa pag-abunog dugo?

6-8. Kanus-a kasagarang giabuno ang dugo, apan nganong kining buhata dili maayog-kapasikaran?

Panid 14

1. Unsay nagapakitang ang ubos-normal nga gidaghanon sa hemoglobin mahimong mapaigo?

2, 3. Diha sa kaso sa kusog nga pagkawala sa dugo, unsay gikinahanglan, ug sa unsang paagi madumala ang suliran?

4. Nganong ang di-dugo pluwidong mga kapuli epektibo?

5. Sa unsang paagi ang mga doktor makatabang sa usa ka pasyente nga makasugakod sa pagkawala sa mga pulang selula?

Panid 15

1. Unsay mahimo aron mapatulin ang produksiyon sa pulang selula?

2-4. Panahon sa operasyon, sa unsang paagi ang pagkawala sa dugo mapakunhod?

Panid 16

1-3. Unsang ebidensiya nga nagapakita nga ang dagkong operasyon mahimo nga walay mga pagpagdugang ug dugo?

4-6. Unsang pagkamasangkaron sa operasyon ang posible nga walay paggamit ug dugo? (Tan-awa ang panid 28, mga parapo 2-4.)

Panid 17

1. Unsay mga maayong resulta nga nabatonan diha sa operasyon sa kasingkasing diin ang dugo wala gamita?

2-4. Sa unsang paagi ang mga Saksi nga pasyente mismo nakaamot ngadto sa ekselenteng sangpotanan nga kasagaran nasinatian sa walay-dugo nga operasyon?

IKAUPAT NGA SEMANA

Panid 17

5, 6. Unsa ang riyesgo/benepisyo nga analisis, ug sa unsang paagi kini ikapadapat?

Panid 19

1, 2. Unsa ang papel nga gidula sa pasyente diha sa riyesgo/benepisyo nga analisis?

3-5. Nganong ang pagpanambal sa dugo tukmang ilakip sa pagtimbangtimbang sa mga riyesgo ug mga benepisyo? (Tan-awa ang panid 31, mga parapo 1, 2.)

6. Unsang legal nga prinsipyo ang may kalabotan diha sa imong katungod sa pagpilig medikal nga pagpanambal? (Tan-awa ang panid 30, mga parapo 1-8.)

Panid 18 (Kahon)

1-4. Unsa may buhaton sa mga pasyenteng Saksi aron mahupay ang legal nga mga kabalaka sa bahin sa medikal nga mga kawani? (Tan-awa ang panid 28, parapo 5.)

5-7. Tungod sa pagabuhaton sa mga Saksi aron mapahilom ang legal nga mga kabalaka, nganong makataronganon man nga mokooperar ang mga doktor ug mga ospital?

Panid 20

1-3. Sa unsang paagi ang pipila ka medikal nga kawani misanong sa baroganan sa mga Saksi?

4, 5. Sa unsang paagi ang mga korte nalangkit sa pipila ka kaso sa mga pasyente nga mga Saksi?

Panid 21

1, 2. Nganong ang pagdangop sa mga korte dili labing maayong paagi sa pagdumalag mga kaso nga naglangkit sa mga Saksi ug sa dugo?

3, 4. Alang sa unsang mga rason nga dili tukma ang pagdangop sa mga korte bisan pag ang pasyente usa ka bata?

5, 6. Unsang ginikananong katungod ang motungha diha sa pagpilig pagpanambal alang sa kabataan? (Tan-awa ang panid 28, parapo 6, ug panid 29, parapo 1.)

par. 7 ngadto sa panid 22, par. 3. Unsa ang pipila ka legal nga timailhan nga ang mga ginikanan angay nga libre sa paghimog medikal nga mga desisyon alang sa ilang kabataan?

Panid 22

4. Nganong angay nga magtambayayongay ang mga ginikanang Saksi ug ang medikal nga mga kawani?

IKALIMANG SEMANA

Panid 22

5, 6. Unsang yawing mga kamatuoran nga angay nimong ibutang sa hunahuna bahin sa dugo ug sa hangyo sa Saksi alang sa walay-dugong medikal nga pag-atiman?

Panid 23

1-3. Bisan mamatay ang pipila tungod sa pagdumili sa dugo, unsay kinahanglang dili nato isalikway? (Tan-awa ang panid 29, mga parapo 2-5, ug panid 31, mga parapo 3-5.)

4, 5. Unsa ang matinud-anong pagpanlantaw mahitungod sa kamatayon ug sa dugo?

Panid 24

1, 2. Unsay makatabang nato sa pagpabili kon sa unsang paagi ang dugo tinuod nga makaluwas-kinabuhi?

3, 4. Sa una-Kristohanong kapanahonan, unsay pagpanglantaw sa Diyos sa dugo, ug ngano?

Panid 25

1. Sa unsang paagi ang dugo nalangkit kaniadto sa Adlaw sa Pagtabon-sa-sala, ug nganong angay man tang motagad?

2, 3. Adunay unsang kalangkitan tali sa Adlaw sa Pagtabon-sa-sala ug sa papel nga gidula ni Jesus?

4. (a) Unsa ang yawing rason kon nganong ang mga Kristohanon maglikay gikan sa dugo? (b) Nganong dili angay nga ipasiugda nato pag-ayo ang kapeligrohan sa mga pag-abuno sa dugo?

5, 6. (a) Sa unsang paagi ang dugo nalangkit sa atong baroganan uban sa Diyos? (b) Unsang pagtulon-an ang kinahanglan natong sabton ingon nga panguna sa atong pagpanglantaw sa dugo?

7. Nganong makaingon kita nga ang posisyon sa mga Saksi bahin sa dugo nagapakitag pagtahod sa kinabuhi?

Panid 26

1, 2. Sa unsang paagi nalambigit ang dugo sa atong walay kataposang kaugmaon?