Mga Tigom nga Motabang Nato sa Paghimog Tinun-an
SEMANA SA SEPTIYEMBRE 9-15
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Isugyot ang usa o duha ka presentasyon sa magasin nga tukma alang sa lokal nga teritoryo, ug dasigang tanang magmamantala nga mogula sa pagsangyaw niining hinapos-semana. Dad-on ang librong Nangatarongan ngadto sa Tigom sa Pag-alagad sa sunod semana.
20 min: “Dayega ang Ngalan sa Diyos sa Bug-os.” Hisgotan sa pangutanag tubag. Tiklopi uban sa maayong-pagkaandam nga pasundayag nga nagapakita kon sa unsang paagi magamit ang Ulohan nga Mahisgotan. Human ikapaila ang kaugalingon, ang magmamantala makaingon: “Ako nagahimog publikong serbisyo aron sa pagbulig sa mga batan-on sama kanimo sa pagbuntog sa mga gumonhap nga ilang giatubang niining dapita. Nakaplagan ba gayod nimo ang imong kaugalingon nga giagda sa pagbuhat nianang dili mo gustong buhaton? O ikaw ba nagabuhat sa mga butang tungod lang kay mao kana ang ginabuhat sa uban ug dili tungod kay kana imong kaugalingong pagpili? Sa unsang paagi imong mabuntog ang pagpit-os sa isigkaingon? Tapos sa iyang tubag, buksi ang libro sa kapitulo 9. Dayon moingon: “Palihog matikdi kon unsa ang giingon dinhi sa panid 77. [Basaha ang tukmang parapo.] Sa hunahuna mo ang usa ba ka pagtuon sa Bibliya makatabang sa mga batan-on sa pagsulbad niining gumonhapa? [Tugoting mokomento.] Matikdi ang giingon sa Bibliya sa Salmo 119:9. [Basaha.] Kining libroha nagapakita kanimo kon sa unsang paagi ang Bibliya makabulig sa mga batan-on sa pagsulbad sa malisod nga mga situwasyon. Maimo kini sa amot nga ₱24.00.”
15 min: “Pagsanta sa Pagsugmat sa Daotang mga Batasan.” Pakigpulong gipasukad sa artikulo sa Abril 8, 1991 nga Pagmata!
Awit 132 ug paniklop nga pag-ampo.
SEMANA SA SEPTIYEMBRE 16-22
10 min: Lokal nga mga pahibalo. Taho sa kuwenta. Basahang balos-pasalamat sa Sosyedad ug apresasyon sa mga donasyon nga gipadala, ug dayega ang kongregasyon sa suportar sa lokal nga mga panginahanglan sa kongregasyon. Palig-onang moambit sa pag-alagad sa kanataran niining semanaha kon ugaling adunay mga kahikayan sa grupong pagsangyaw.
18 min: “Magtibuok-Kalag sa Ministeryo sa Kanataran—Bahin 2.” Kobrehan sa pangutanag tubag ang artikulo. Iilustrar ang paggamit sa librong Nangatarongan. Dili kinahanglang ipasundayag sa uban ang mga puntos nga gihisgotan, kondili ang mamumulong makapakita kon unsaon sa pagkaplag ug paggamit sa materyal nga anaa sa libro. Sa mubo ipasundayag ang kabililhon sa mga praktis sesyon sa pagpangandam alang sa pag-alagad. Kon may panahon pa, mahimong dapiton ang magmamantala sa pagpatin-aw kon sa unsang paagi iyang himoon kini.
17 min: Pahayag sa “Usa ka Bag-ong Tuig sa Pag-alagad” pinaagig sekretaryo sa kongregasyon. Ipasiugda ang mga tumong nga gisugyot para sa bag-ong tuig. Pahibaloa usab ang kongregasyon sa report sa miaging tuig sa pag-alagad, apil ang gidaghanon sa nabawtismohan, pag-uswag sa mga magmamantala ug mga payunir, oras sa pagsangyaw, ubp. Dayega sa progreso nga nahimo ug ipunting kon unsa pa ang kinahanglang tagdon sa lokal sa umaabot nga tuig.
Awit 48 ug paniklop nga pag-ampo.
SEMANA SA SETIYEMBRE 23-29
10 min: Lokal nga mga pahibalo. Teokratikanhong mga Balita. Usab dad-a ang pagtagad ngadto sa artikulo, “‘Mahigugmaon sa Kagawasan’ nga mga Kombensiyon.” Segon sa itugot sa panahon, isugyot kon haing mga artikulo sa kinabag-ohang mga magasin ang hayan mas tukma nga itanyag sa pamalaybalay niining semanaha.
20 min: “Pagtanyag sa Maayong Balita—Diha sa Siging Natrabahong Teritoryo.” Pangutanag tubag. Ipadapat sa lokal nga kahimtang sa kongregasyon.
15 min: Kon sa Unsang Paagi Akong Nahuptan ang Kamatuoran. Mga eksperiyensiya. Ansiyano mointerbiyu sa duha o tulo ka indibiduwal. Ipunting kon sa unsang paagi ang Pulong sa Diyos ug kapunongan nagpalihok kanila ngadto sa pahinungod ug bawtismo. Ipasiugda ang mga benepisyo nga ilang natagamtam tungod sa pagkadangop sa kamatuoran.
Awit 25 ug paniklop nga pag-ampo.
SEMANA SA SEP. 30–OKT. 6
5 min: Lokal nga mga pahibalo. Panaghisgot sa mga kahikayan sa pag-alagad sa kanataran sa kongregasyon ug kon unsay gibuhat sa paghatag ug pagpalig-on ug pagtabang ngadto sa mga payunir. Ihatag ang tino nga pagtagad ngadto kanilang nagsugod pa lamang sa pagpayunir sa Septiyembre 1. Idasig ang pakig-ambit sa pag-alagad sa kanataran niining hinapos-semana.
10 min: Pagtanyag sa Suskrisyon sa Pagmata! sa Oktubre. Para sa kampanya sa suskrisyon atong gamiton ang bag-ong Ulohan nga Mahisgotan, “Kaluwasan Gikan sa Kagubot sa Kalibotan.” Ang mga teksto maoy Lucas 21:10, 11, 26 (natuman ang tagna sa Bibliya), ug Lucas 21:28, 31 (Gingharian sa Diyos sa di madugay mopatunghag kaluwasan). Hisgoti ang mga teksto diha sa Ulohan uban sa tigpaminaw ug dayon himoon ang mubong pasundayag nga nagapakita kon sa unsang paagi magamit kana uban sa Oktubre 8 nga Pagmata! sa pagtanyag sa mga suskrisyon. Pahinumdomi ang tanan sa pagkuhag suplay sa mga tarhita sa suskrisyon aron sila maandam alang sa kampanya.
15 min: “Kahikayan sa Pagtuon sa Libro sa Kongregasyon—Bahin 2.” Kobrehan sa pangutanag tubag ang artikulo pinaagig epektibong konduktor sa pagtuon sa libro.
15 min: Lokal nga mga panginahanglan, o mahimong gamiton ang impormasyon sa sinugdanang mga artikulo sa Hunyo 8, 1991 nga Pagmata! ingong pasukaranan sa usa ka makapalig-on ug matulon-anong pakigpulong sa ulohan sa pagtabitabi.
Awit 16 ug paniklop nga pag-ampo.