Mga Tigom sa Pag-alagad Alang sa Nobyembre
Semana sa Nobyembre 11-17
10 min Lokal nga mga pahibalo ug tukmang Mga Pahibalo gikan sa Atong Ministeryo sa Gingharian.
20 min: “Pagrekomendar sa Pulong sa Diyos.” Pangutanag tubag. Sa hisgotan ang mga parapo 3 ug 4, ang takos nga magmamantala mopasundayag sa Ulohan nga Mahisgotan, nga nagagamit sa mga puntong igsusulti gikan sa Pulong sa Diyos nga libro ingon sa gisugyot sa parapo 5.
15 min: Ang Kabililhon sa New World Translation Reference Bible. Panaghisgot. Tagdon sa ansiyano ang kabililhon sa Reference Bible uban sa duha o tulo ka magmamantala nga migamit nianag maayo. Tagda ang pahayag sa ‘New World Bible Translation Committee’ sa panid 5. Ipasiugda ang kahinungdanon sa ‘footnotes,’ ‘cross-references,’ duha ka konkordansiya, ug apendise. Hisgoti ang mga puntos nga magamit sa pagtanyag sa Bibliya niining bulana.
Awit 46 ug paniklop nga pag-ampo.
Semana sa Nobyembre 18-24
10 min: Lokal nga mga pahibalo, Teokratikanhong mga Balita, taho sa kuwenta, ug mga balos-pasalamat sa donasyon.
12 min: “Magtibuok-Kalag sa Ministeryo sa Kanataran—Bahin 4.” Pakigpulong. Palig-onang mga ulo sa pamilya sa pagbulig sa tanan diha sa panimalay nga maorganisado ug sa paghimog makataronganong mga tumong sa pag-alagad.
13 min: “Pagtanyag sa Maayong Balita—Pinaagig Maalamong Paggamit sa mga Publikasyon.” Pangutanag tubag. Ipadapat sa lokal ang impormasyon.
10 min: “Nganong Isul-ob ang Pagkamapainubsanon?” Madasigong pahayag nga gipasukad sa artikulo sa Hulyo 15, 1991, Bantayanang Torre, mga panid 27-30.
Awit 92 ug paniklop nga pag-ampo.
Semana sa Nob. 25–Dis. 1
5 min: Lokal nga mga pahibalo.
12 min: Ang kabililhon sa brosyur nga School and Jehovah’s Witnesses. Pakigpulong, gipalabi ang ansiyano nga ginikanan. Ipasiugda ang kabililhon sa brosyur aron masinati ang mga awtoridad sa eskuwelahan maylabot sa mga pagtulon-an sa mga Saksi ni Jehova ug sa pag-abag sa Kristohanong mga ginikanan ug mga batan-on sa mga butang nga nagalangkit sa kalihokan sa tunghaan. Ang napatik nga impormasyon kinahanglang sa pupanahon sublion uban sa mga batan-on. Sa motungha ang mga suliran o mga pangutana, ipunting ngadto sa brosyur alang sa pagtultol. Ipatagad ngadto sa tinong impormasyon nga gilaraw ubos sa “Sound Moral Principles” ug “Holidays and Celebrations.” (Mga panid 9-11, 17-21) Sa konklusiyon, ipasiugda ang panginahanglan sa mga ginikanan nga magmainteresado sa pagtungha sa ilang mga anak ug mokooperar sa administrasyon sa eskuwelahan.—Mga panid 30-1.
20 min: Pagpangita ug Pagtudlo sa mga Takos. Pahayag ug mga interbiyu. Ipasiugda ang Mateo 10:11. Ang pagkaplag sa mga tawo diha sa balay usa man ka suliran ug mahimong adunay epekto sa atong pagkamabungahon ug kalipay. Unsa may mahimo? Duola ang mga tawo sa ilang mga tugkaran. Hupti ang rekord niadtong walay tawo ang balay ug mobalik sa di-madugay. Ang uban adunay maayo kaayong kalamposan sa pagkakaplag sa maong mga tawo nga anaa sa balay sa mga magabii, mao nga pakig-ambit sa pagsangyaw sa gabii. Mahimong epektibo ang pagpamatuod sa kadalanan. Sa mahibalag ang interesadong mga tawo sa dalan, kuhaa ang ngalan ug adres. Himoang mga kahikayan sa pagduaw sa ilang mga balay. (Sa mubo interbiyuha ang duha o tulo ka magmamantala ug/o mga payunir nga nagmalamposon sa gabii o kadalanan nga pagsangyaw.) Ato gayong sundon ang sugo ni Jesus sa pagpangita ug pagpakaon sa iyang mga karnero. (Juan 21:15-17) Kini motabang kanato sa pagpabili sa panginahanglang aboton ang mga namuyo sa kada balay kon posible.
8 min: Pagtagad sa “Pangutana.” Pakigpulong. Ipahibalo ang lokal nga mga kahikayan sa pag-alagad sa kanataran sugod sa Disyembre 1 aron ang tanan makaambit nga sayo sa maong bulan.
Awit 183 ug paniklop nga pag-ampo.
Semana sa Disyembre 2-8
10 min: Lokal nga mga pahibalo. Sa mubo hisgoti ang mga puntong igsusulti gikan sa mga magasin nga mahimong gamiton sa pagpamatuod niining semanaha.
20 min: “Kahikayan sa Pagtuon sa Libro sa Kongregasyon—Bahin 4.” Pangutanag tubag. Ipasiugda ang panginahanglan alang sa tanan sa pagbatog personal nga interes diha sa matag usa sa grupong pagtuon sa libro.
15 min: Pagbenepisyo Gikan sa Kasaysayan sa Kinabuhi sa mga Saksi ni Jehova. Panaghisgot sa duha ka igsoong lalaki. Sa pupanahon, ang kasaysayan sa kinabuhi sa modernong-adlaw nga mga alagad sa Diyos makita diha sa Ang Bantayanang Torre ug Pagmata! Kini natala diha sa Watch Tower Publications Index sa ngalan ug sa ulohan sa artikulo. (Iilustrar kon unsaon sa pagpangita sa tinong mga artikulo.) Importante nga ato gayong basahon kining mga artikuloha ug makakuhag kalig-on ug pagdasig gikan niini. Gamitang impormasyon sa pagpalig-on sa atong mga igsoon ug mga estudyante sa Bibliya. Sa mubo repasoha ang artikulong “Makalilipay ang Pagtambong sa Lamesa ni Jehova!” gikan sa Ang Bantayanang Torre, Agosto 1, 1991, mga panid 25-9. Ipasiugda ang espisipikong mga puntos gikan sa artikulo nga makatabang kanato (a) diha sa atong ministeryo sa kanataran, (b) sa paglahutay sa mga pagsulay, (c) sa mas maayo pang pagpabili kang Jehova ug sa iyang kapunongan, ug (d) sa pag-apresyar sa tibuok-kalibotang panag-igsoonay. Kita gayod mabenepisyohan tungod sa pagkahimong “mga magsusundog niadtong pinaagi sa pagtuo ug pailob nagapanunod sa mga saad.”—Heb. 6:11, 12.
Awit 18 ug paniklop nga pag-ampo.