Pangutana

◼ Kinahanglan bang maghupot ang kongregasyon ug payl sa Atong Ministeryo sa Gingharian?

Sa Mayo 1972 nga gula sa Ministeryo sa Gingharian, gipasiugda nga mapuslanon ang paghupot ug payl sa binulang edisyon sa Atong Ministeryo sa Gingharian diha sa librarya sa Kingdom Hall alang sa reperensiya nga mga katuyoan. Padayon man gihapong tukma nga mentinahon kanang maong payl sa matag librarya sa Kingdom Hall nga magamit sa mga ansiyano ug mga magmamantala.

Kay mabatonan ang maong payl, ang mga magmamantala makapangita sa nangaging materyal maylabot sa mga presentasyon sa pag-alagad sa kanataran, pagdumalag pagtuon sa Bibliya, pagbalikduaw, ug uban pa. Ang maayong mga ideya nga magamit sa ministeryo makaplagan. Sa pupanahon, ang bag-ong mga gula sa Atong Ministeryo sa Gingharian mopunting sa mga gula nga napatik na antes ang pipila ka igsoon nakig-uban sa kongregasyon. Ang mga bag-ong nakig-uban makapulos kon nahuptan ang payl. Usa sa bag-ong desinyong mga sudlanan sa payl sa Bantayanang Torre magamit nga maoy butangan sa nangaging mga kopya sa Atong Ministeryo sa Gingharian diha sa Kingdom Hall.

Ang mga ansiyano kinahanglang motudlo sa magtatan-aw sa Teokratikanhong Ministeryong Tunghaan o takos nga ministeryal nga alagad aron pagseguro nga ang payl maoy nunot-panahon sa matag bulan. Samtang ang impormasyon nga gipresentar sa Atong Ministeryo sa Gingharian maoy pinaagig mga sugyot ug dili kay mapig-utong mga lagda, kini maoy maayo gihapong tuboran sa reperensiyang materyal nga kinahanglang usa ka bahin sa matag librarya sa kongregasyon sa Kingdom Hall. Hinuon, ang nangaging mga gula sa Atong Ministeryo sa Gingharian dili maorder gikan sa sangang opisina.