Mga Tigom sa Pag-alagad Alang sa Hunyo
Semana sa Hunyo 8-14
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Dasigang mga magmamantala nga mogula sa kanataran niining hinapos sa semana. Repasoha ang mga puntong igsusulti gikan sa ulahing mga gula sa mga magasin nga magamit sa buluhatong pagmagasin sa Hunyo 12.
20 min: “Ang Labing Bantogang Tawo nga Nabuhi Sukad.” Pangutanag tubag nga pagkobre sa artikulo. Sa dihang mokobre sa mga parapo 3 ug 4, hikaya ang usa ka mubong pasundayag nga nagpakita kon unsaon pagsugod sa panaghisgot uban sa tagbalay ug unya motanyag sa libro. Ipasiugda ang kahinungdanon nga masinati sa basahon.
15 min: “Ang Pasiunang mga Pulong Makahimog Kalainan.” Hisgoti ang artikulo sa mamiminaw. Nasulayan na ba nila ang pipila sa mga introduksiyon nga gisugyot sa ulahing mga gula sa Atong Ministeryo sa Gingharian, nga kadaghanan niana gikuha gikan sa librong Nangatarongan? Hain sa mga introduksiyon nga nakaplagan nilang labing epektibo sa lokal nga teritoryo? Kanus-a man ang mga magmamantala mangandam ug mag-ensayo sa ilang mga introduksiyon alang sa pag-alagad sa kanataran? Ipasundayag ang duha o tulo ka mugbong introduksiyon nga epektibo na diha sa lokal.
Awit 32 ug paniklop nga pag-ampo.
Semana sa Hunyo 15-21
10 min: Lokal nga mga pahibalo, lakip ang taho sa kuwenta ug mga balos-pasalamat sa donasyon. Dayega ang kongregasyon tungod sa pagsuportar sa panalapi sa lokal nga kongregasyon ingon man sa tibuok-kalibotang buluhaton sa Sosyedad.
20 min: “Himoa ang Epektibong mga Balikduaw.” Hisgoti uban sa mamiminaw ang yawing mga punto sa artikulo, tingali nagalakip sa usa ka mubong kasinatian diin ang usa ka balikduaw misangpot sa pag-aghat sa dugang interes. Gamita ang kataposang unom ngadto sa walo ka minutos sa pagpasundayag kon sa unsang paagi ang konduktor sa Pagtuon sa Libro sa Kongregasyon mitabang sa duha o tulo ka magmamantala nga mobalikduaw sa interesadong mga tawo nga nakaplagan sa lokal nga teritoryo di pa dugay. Kon posible gayod, gamita ang aktuwal nga mga balikduaw nga sa ulahi himoon sa mga magmamantala.
15 min: Panalipdi ang Imong Kaugalingon Gikan sa Apostasya. Panaghisgot tali sa ansiyano ug usa ka magmamantala nga naglingkod atubangan sa lamesa. Ang magmamantala misaysay nga nakahibalag siyag usa ka tawo diha sa pag-alagad nga nagabasag apostatang mga basahon. Ang magmamantala misugilon sa ansiyano nga gibati niyang sinsero ang tagbalay sa gipatungha niyang mga pangutana. Ang magmamantala midumili sa gitanyag sa tagbalay nga apostatang basahon apan buot mosulay pagtubag sa mga pangutana sa tagbalay. Ang ansiyano midayeg sa magmamantala sa iyang maayong tinamdan ug mga lihok. Inay nga hisgotan kon unsay gisulat o giingon sa mga apostata, maoy maalamon ang pagpunting sa Kasulatanhong panglantaw sa mga butang ingon sa gipakita diha sa librong Nangatarongan. Ang ansiyano midapit sa magmamantala sa pagbukas sa iyang librong Nangatarongan, ug dungan nilang girepaso ang mga panid 40-3. Ang panaghisgot kinahanglang mainiton ug makapadasig samtang ilang tagdon ang kahubitan sa apostasya, ang matag tataw nga sub-ulohan, ug pinili nga yawing mga punto segon sa itugot sa panahon. Taposa ang panaghisgot uban sa positibong mga komento sa tanang makapalig-on ug makapadasig nga materyal nga atong mabatonan alang sa pagtuon. Ipaambit ang makapalig-ong mensahe sa tagbalay. Kon siya sinsero, iyang makita ang kalainan tali sa positibong pag-atubang sa kamatuoran ug ang negatibo, masawayong paagi sa mga apostata. Pinaagi sa atong pagsalikway sa apostatang panghunahuna ug materyal, atong gipakita ang atong pagkamaunongon kang Jehova ug sa iyang makitang kapunongan.
Awit 65 ug paniklop nga pag-ampo.
Semana sa Hunyo 22-28
5 min: Lokal nga mga pahibalo.
20 min: “Idasig ang Pangagpas sa Espirituwal nga mga Tumong.” Panaghisgot sa mamiminaw nga dumalahon sa ansiyano. Human matagad ang parapo 6, interbiyuha ang maayog panig-ingnang magmamantala kinsa ingon nga usa ka batan-on misanong sa pagdasig nga mangab-ot sa espirituwal nga mga tumong. Sa unsang paagi siya nadasig? Sa dihang tagdon ang parapo 7, ipunting ang praktikal nga mga kaayohan nga mapuslan sa mga ginikanan ug mga batan-on gikan sa pagrepaso sa mga kapitulo 22, 38, ug 39 sa librong Gisukna sa mga Batan-on.
20 min: “Pagtukod ug Kristohanong mga Personalidad Diha sa Atong mga Anak.” Panaghisgot sa duha ka igsoong lalaki sa artikulo gikan sa Hulyo 1, 1991, nga Bantayanang Torre, mga panid 24-7. Ipatugbaw ang panginahanglan sa bug-os nga paningkamot diha sa bahin sa mga ginikanan. Ipadapat ang materyal sa lokal nga panginahanglan sa kongregasyon.
Awit 213 ug paniklop nga pag-ampo.
Semana sa Hunyo 29–Hulyo 5
10 min: Lokal nga mga pahibalo ug Teokratikanhong mga Balita. Mga kasinatian gikan sa kampanya sa Labing Bantogang Tawo (kini kinahanglang ihan-ay nga abante pinaagig pag-interbiyu sa mga magmamantala ug mga payunir).
15 min: Ipaila ang librong Creation sa Hulyo. Pakigpulong uban ang pasundayag. Hisgoti ang mga puntong igsusulti gikan sa libro nga ikapaila sa dihang nagatanyag sa librong Creation sa Hulyo. Hayan ang materyal sa mga kapitulo 16 ug 17 nga “Why Would God Permit Suffering?” ug “Can You Trust the Bible?” makapadani sa mga tagbalay. Ipasundayag sa takos nga magmamantala ang tanyag, nga nagagamit sa mga kasulatan sama sa Hebreohanon 3:4 ug Pinadayag 4:11 aron buntogon ang teoriya sa ebolusyon ug palig-onon ang pagtuo sa Diyos ingong Magbubuhat sa tawo. Ang materyal diha sa librong Nangatarongan ubos sa ulohang “Paglalang” magamit segon sa itugot sa panahon.
20 min: “Inadlaw Espirituwal nga Pagkaon—Hinungdanon sa Kristohanong Pamilya.” Pangutanag tubag nga panaghisgot sa materyal.
Awit 108 ug paniklop nga pag-ampo.