Mga Tigom sa Pag-alagad Alang sa Septiyembre
Semana sa Septiyembre 6-12
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Hisgoti ang mga puntong igsusulti sa kinabag-ohang mga magasin. Dasigang tanan nga makigbahin sa pagsangyaw niining hinapos sa semana.
20 min: “Panlimbasogi nga Makapaminaw Gayod ang mga Tawo.” Hisgoti uban sa mamiminaw. Ipatugbaw ang kahinungdanon sa pagtratar sa kada tagbalay ingong usa ka indibiduwal, uban ang tumong nga makabaton ug panaghisgot uban kaniya. Himoang mubong mga presentasyon pinasukad sa mga sugyot sa mga parapo 2, ug 3. Ipasiugda ang makanunayong paggamit sa mga magasin diha sa pagsangyaw.
15 min: Pakigpulong sa usa sa mga ansiyano sa ulohang “Puliki sa Patayng mga Buhat o sa Pag-alagad Kang Jehova?” sa Bantayanang Torre, Hulyo 1, 1992, pp. 26-29. O hisgoti ang lokal nga mga panginahanglan.
Awit 193 ug paniklop nga pag-ampo.
Semana sa Septiyembre 13-19
10 min: Lokal nga mga pahibalo, lakip ang taho sa kuwenta ug mga balos-pasalamat sa donasyon. Dayega ang kongregasyon alang sa pinansiyal nga suportar sa lokal nga kongregasyon ingon man sa iya sa Sosyedad sa tibuok-kalibotang buluhaton.
15 min: “Nahinumdom Ka Ba?” (Tan-awang Ang Bantayanang Torre, Disyembre 15, 1992, panid 30.) Kini kinahanglang usa ka pakigpulong ilabina pinaagig Tagdumala sa Pagtuon sa Bantayanang Torre nga nagakobreg daghang puntos segon sa itugot sa panahon aron magsilbing repaso sa materyal nga gikapresentar sa Bantayanang Torre sa 1992.
20 min: “Balika Aron Tabangan ang mga Tawo sa Pagkat-on sa Paagi nga Sila Mabuhing Walay Kataposan.” Pangutanag tubag nga pagkobre. Himoang usa ka pasundayag sa pagbalikduaw nga pinasukad sa presentasyon nga gilaraw sa mga parapo 5 ug 6.
Awit 71 ug paniklop nga pag-ampo.
Semana sa Septiyembre 20-26
10 min: Lokal nga mga pahibalo. Teokratikanhong mga Balita. Idasig usab ang pagpakig-ambit sa hinapos sa semanang kalihokan sa pagsangyaw.
15 min: Ipatugbaw ang bili sa librong Mabuhing Walay Kataposan. Mahimong ikasitar ang mga numero sa pagpakita sa mga pag-uswag sulod sa mga tuig nga gigamit kining basahona. Daghan ang nakakat-on sa kamatuoran pinaagig pagtuon niining libroha. Interbiyuha ang usa o duha ka magmamantala nga nagtuon niining libroha sa pagdangat sa kamatuoran. Ipaasoy nila kon unsa ang ilang giapresyar nga nakat-onan gikan niana ug unsaon kini paggamit diha sa pagsangyaw. Dasiga ang mga igsoon sa pagtanyag niini nga mainiton kon diin namatikdan ang interes.
20 min: “Mga Kinahanglanon Alang sa Bag-ohan Ingon man sa Batid nga Ministro.” Pangutanag tubag nga pagkobre pinaagig ansiyano. Tiklopi uban ang mainiton apan mubong sumaryo sa mga puntos nga mapadapat sa lokal nga mga panginahanglan sa kongregasyon.
Awit 6 ug paniklop nga pag-ampo.
Semana sa Sep. 27–Okt. 3
10 min: Lokal nga mga pahibalo.
20 min: “Maikagong Pangitaa ang mga Pagtuon sa Bibliya.” Pangutanag tubag nga pagkobre sa artikulo pinaagig magtatan-aw sa pag-alagad. Basaha ug ipadapat ang tanang gisitar nga mga kasulatan. Repasoha ang pag-uswag sa pagtuon sa Bibliya nga buluhaton sa kongregasyon sulod sa milabayng lima ka tuig, ug tagika ang paniklop nga mga komento sumala sa lokal nga mga panginahanglan.
15 min: Ang Kahinungdanon sa mga Petsa sa Atong Pagtuon sa Bibliya. Human sa mubong pakigpulong sa materyal ubos sa “Kahubitan” diha sa panid 331 sa librong Nangatarongan, (Panid 93 sa Ingles) dumalahang panaghisgot sa mamiminaw sa nahibiling impormasyon ubos sa “Petsa.” Tagda ang “Ngano ang mga Saksi ni Jehova nagaingon nga ang Gingharian sa Diyos natukod sa 1914?” Ipatugbaw kon sa unsang paagi kining impormasyona magabulig sa mga bag-ohan nga magmaandam sa pagpanalipod sa mensahe sa Gingharian.
Awit 43 ug paniklop nga pag-ampo.