Mga Tigom sa Pag-alagad Alang sa Nobyembre
Semana sa Nobyembre 8-14
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Pagsugyot ug mga paagi nga ang kinabag-ohang mga magasin mahimong magamit sa lokal nga teritoryo. Ipasiugda ang kahinungdanon sa pagbalikduaw sa tanang napahiluna nga magasin sa tuyo nga makasugod ug mga rota sa magasin. Sa dihang ang mga tagbalay mapamatud-ang tiunay gayod nga interesado, ang mga suskrisyon ikatanyag.
15 min: “Nagatabang sa Uban sa Pag-ila sa Dakong Bahandi.” Pangutanag tubag nga pagkobre. Dasigang tanan sa pagtanyag nga masiboton sa librong Mabuhing Walay Kataposan sa Nobyembre ug maningkamot nga makasugod ug mga pagtuon sa Bibliya. Hisgoti ang nagkadaiyang mga paagi nga gisugyot diha sa artikulo. Sa dihang magatagad sa parapo 4, ipakitang pasundayag sa magmamantala nga nagatanyag ug librong Mabuhing Walay Kataposan ngadto sa usa ka ginikanan nga nagagamit sa gisugyot nga presentasyon.
20 min: “Ginatahod ba Ninyo ang Inyong Dapit sa Pagsimba?” Pakigpulong pinaagig ansiyano nga gipasukad sa artikulo sa Hunyo 15, 1993, Bantayanang Torre. Ipadapat ang impormasyon sa lokal nga mga kahimtang. Kon adunay usa ka tino nga suliran nga gitumong, sa pagkamataktikanhon ihatag ang tukmang tambag.
Awit 42 ug paniklop nga pag-ampo.
Semana sa Nobyembre 15-21
10 min: Lokal nga mga pahibalo. Taho sa kuwenta. Basahang mga balos-pasalamat sa donasyon, ug dayega ang kongregasyon tungod sa mahinatagong suportar sa tibuok-kalibotang buluhaton ingon man sa pag-atiman sa materyal nga mga panginahanglan sa lokal nga kongregasyon. Repasoha sa mubo ang mga kahikayan sa pagsangyaw sulod sa semana, ug ipahayag ang apresasyon sa madasigong suportar sa mga magmamantala.
15 min: “Mag-oksilyare Payunir sa Disyembre.” Kobrehi ang materyal nga mainiton ug maikagon pinaagig pangutanag tubag. Ipahibalo ang lokal nga mga kahikayan alang sa pagsangyaw ug espesyal nga mga kahikayan nga pagahimoon alang sa grupong pagsangyaw sa Disyembre. Interbiyuha ang pipila nga nakaoksilyare payunir sa miagi ug nagaplano nga mobuhat niana pag-usab sa Disyembre. Hangyoa kadtong nagaplano nga mag-oksilyare payunir sa sunod bulan sa pagpataas sa ilang mga kamot. Kini makadasig sa uban sa pagduyog kanila.
20 min: “Ang Balaang Pagpanudlo Nagahimog Kusganong Impluwensiya.” Pangutanag tubag nga pagkobre sa artikulo. Basahang mga parapo ug gisitar nga mga kasulatan segon sa itugot sa panahon. Tugoti ang mubong mga komento nga nagapahayag ug personal nga apresasyon sa mga benepisyong nadawat gikan sa pagtambong ug mga kombensiyon, sirkitong mga asembliya, ug espesyal nga mga adlawng asembliya, tingali mointerbiyu sa pipila diha sa kongregasyon kansang mga kinabuhi naimpluwensiyahan sa maayo pinaagig balaang pagpanudlo.
Awit 44 ug paniklop nga pag-ampo.
Semana sa Nobyembre 22-28
5 min: Lokal nga mga pahibalo. Teokratikanhong mga Balita. Pahinumdomi kadtong kinsa mahimong nagapamalandong sa oksilyare payuniring sa Disyembre nga kinahanglang ihatag nila ang ilang mga aplikasyon niining semanaha una pa matapos ang Nobyembre.
15 min: “Magmatibuok-Kalag sa Imong Pag-alagad.” Pangutanag tubag. Sa dihang nagahisgot sa parapo 2, himoang tukmang mga komento pinasukad sa reperensiya gikan sa Disyembre 1, 1992 nga Bantayanang Torre, nga nagahatag ug pipila ka dugang pagpatin-aw maylabot sa kahulogan sa ikapulo alang kanato karon. Basaha ug ipadapat ang Malaquias 3:10 sa paniklop.
15 min: “Balik nga Malipayon sa Pag-abag sa mga Interesado.” Panaghisgot sa mamiminaw ug mga pasundayag. Ipasiugda ang panginahanglang maghupot ug maayong mga talaan sa interes nga makaplagan. Diha sa mga parapo 3-5, hikayang duha ka pasundayag. Kini kinahanglang mobanaag sa lokal nga mga kahimtang ug ipasibo ingon sa panginahanglan.
10 min: Lokal nga mga panginahanglan o makapalihok nga pakigpulong sa “Ang Unang mga Kristohanon ug ang Kalibotan,” binase sa unang artikulo sa Hulyo 1, 1993, nga gula sa Ang Bantayanang Torre. Ipatugbaw ang panginahanglan alang kanato karon sa pagsundog sa panig-ingnan sa unang mga Kristohanon.
Awit 60 ug paniklop nga pag-ampo.
Semana sa Nob. 29–Dis. 5
10 min: Lokal nga mga pahibalo. Ilakip ang mga kahikayan sa pagsangyaw sulod sa semana, ug dalhang pagtagad sa mga puntos sa kinabag-ohang mga magasin nga magamit sa mga magmamantala sa pagsangyaw sa sunod nga mga adlaw. Kon itugot sa panahon, ipasundayag sa mubo ang usa o duha ka presentasyon nga mohaom sa lokal nga teritoryo. Ihatag ang mga pahinumdom sa panginahanglang mobalikduaw sa tanang nagapasundayag ug interes.
15 min: Pagpaila sa New World Translation ug Ang Bibliya—Pulong sa Diyos o sa Tawo? sa Disyembre. Pakigpulong ug pasundayag. Repasoha ang dagkong mga puntos sa materyal diha sa “New World Translation” sa librong Nangatarongan, mga panid 265-9 (276-9 sa Ingles). Unya ipasundayag kon sa unsang paagi ang ikaduhang sugyot sa panid 10 sa librong Nangatarongan ubos sa “Bibliya/Diyos” magamit sa pagpakigsulti uban sa tagbalay sa Disyembre.
20 min: “Pagdumalag Pagtuon sa Bibliya sa Balay.” Pangutanag tubag nga pagkobre sa artikulo. Ipresentar ang nabansay pag-ayong pasundayag sa magmamantala nga nagaabag sa estudyante nga makasabot kon sa unsang paagi ang gisitar nga kasulatan nagasuportar sa impormasyon sa parapo nga gihisgotan. Sa samang pasundayag ang magmamantala nagagamit sa makabulig nga mga pangutana sa pag-abag sa estudyante nga himoong iyang kaugalingon ang kamatuoran. Gamita ang piniling bahin sa librong Nahiusa sa Pagsimba o Mabuhing Walay Kataposan.
Awit 78 ug paniklop nga pag-ampo.