Pagtambong sa Tigom​—Usa ka Mabug-at nga Kaakohan

¹ Unsa ba ka seryoso ang imong pag-isip sa pagtambong sa tigom? Ang pipila ba kanato nagatugot sa sekular nga trabaho, kakapoy, buluhaton sa balay, ginagmayng balatian sa panglawas, o medyo daotang panahon sa pagbalda sa atong obligasyon sa pagtambong sa mga tigom nga makanunayon?​—Deut. 31:12.

² Ang pipila sa atong mga igsoon nagabaktas ug daghang oras ug nagalatas sa makuyaw nga mga suba aron pagtambong sa mga tigom. Sa atong kaugalingong kongregasyon, hayan may matinumanong mga igsoon nga “wala gayod mopalta” bisan pa sa hilabihang mga suliran sa kahimsog, pisikal nga mga kabilinggan, o bug-at nga mga asaynment sa trabahoan o sa eskuwelahan. (Luc. 2:37) Nganong naningkamot man sila sa pagtambong? Tungod kay sila nahibalo nga dili sila makasagubang sa mga pagpit-os sa kalibotan sa ilang kaugalingong kusog. Sila nanginahanglan sa kusog nga gitagana sa Diyos.​—2 Cor. 12:9, 10.

³ Unsa man ka seryoso ang pag-isip sa imong pamilya sa pagtambong sa tigom? Kini ba sama ka hinungdanon kanimo sa pagpangaon o sekular nga trabaho? Sa mga gabii sa tigom, nangatarongan ka ba sa imong kaugalingon kon motambong ba o dili, o ang regular ba nga pagpakig-uban sa imong mga igsoon maoy usa ka butang nga dili kapilian sa imong panimalay?

⁴ Ingong usa ka pamilya, nganong dili magahatag sa mainampoong pagtagad sa inyong pagtambong sa tigom? Unya himoa ang bisan unsang nahiangay nga mga pagpasibo sa imong eskedyol. Ang regular nga pagtambong sa tigom maoy usa ka hinungdanong bahin sa atong teokratikanhong edukasyon ug kinahanglang isipon gayod nga seryoso kaayo.