Pahinumdom sa Sekretaryo ug Magtatan-aw sa Pag-alagad

Ang usa ka pahibalo sa Pebrero nga gula sa Atong Ministeryo sa Gingharian matag tuig nagalagda sa sekretaryo ug sa magtatan-aw sa pag-alagad sa “pagrepaso sa kalihokan sa tanang regular payunir.” Ang mga taho gikan sa nagapanawng mga magtatan-aw nagapakita nga sa daghang kongregasyon kini wala himoa. Unsa man ang katuyoan niining maong pagrepaso? Kini mao ang pagtino kon kinsa ang nagakinahanglan ug tabang sa pagkab-ot sa kinahanglanon sa oras una pa matapos ang tuig sa pag-alagad.

Ang mga regular payunir gikinahanglan nga mogugol ug 1,000 ka oras sa matag tuig diha sa ministeryo. Sa kataposan sa Pebrero, nakaplagan sa pipila ka payunir nga kulang sila sa gikinahanglang oras, ug kini makapaluya. Ang mga ansiyano magmatinabangon sa mga payunir, nga magahatag kanilag mapuslanong mga sugyot kon unsaon nila pagkab-ot ang mga kinahanglanon.

Ang mga payunir magapabili gayod niining tukma sa panahong tabang, nga makatabang kanila sa pagpadayon aron makuwalipikado sa pagpabilin sa payunir nga pag-alagad.