Mga Tigom sa Pag-alagad Alang sa Disyembre
MATIKDI: Ang Atong Ministeryo sa Gingharian mag-eskedyul ug Tigom sa Pag-alagad alang sa matag semana sa Disyembre ug Enero. Ang mga kongregasyon hayan maghimog mga pagpasibo kon gikinahanglan aron makahigayon sa pagtambong sa “Mga Mensahero sa Diyosnong Pakigdait” Distritong Kombensiyon ug dayon sa 30-minutong pagsubli sa dagkong mga puntos diha sa programa sa Tigom sa Pag-alagad sa mosunod nga semana. Ang inadlaw-adlaw nga pagsubli sa programa sa distritong kombensiyon kinahanglang itudlo nga abante ngadto sa duha o tulo ka takos nga igsoong lalaki nga makapunting sa dagkong mga puntos. Kining pagsublia makatabang sa kongregasyon sa paghinumdom sa yawing mga puntos alang sa personal nga pagpadapat ug aron magamit sa kanataran. Ang mga komento gikan sa mamiminaw ug mga kasinatian nga isaysay kinahanglang mubo ug deretso sa punto.
Semana sa Disyembre 2-8
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Hatagig linaing pagtagad ang ikatulong pahibalo sa panid 7 bahin sa pagtino nga ang mga taho sa Disyembre ikatunol na sa dili pa mobiya alang sa distritong kombensiyon.
15 min: “Kinsa ang Maminaw sa Atong Mensahe?” Pangutanag tubag.
20 min: “Nagataganag Giya ang Pulong sa Diyos.” (Mga parapo 1-6) Ipailaila ang bahin uban sa mga parapo 1 ug 2. Ipasundayag sa takos nga mga magmamantala ang sinugyot nga mga presentasyon sa mga parapo 3-6. Dapita ang mamiminaw sa pagkomento sa (1) kon sa unsang paagi ang mga pangutanang gipatungha mitabang sa pag-ugmad sa interes, (2) kon sa unsang paagi ang mga kasulatang gigamit mihaom sa ulohang gihisgotan, (3) kon sa unsang paagi ang balikduaw mataktikanhong misundal sa unang panaghisgot, ug (4) kon sa unsang paagi ang usa ka pagtuon gihimo.
Awit 75 ug paniklop nga pag-ampo.
Semana sa Disyembre 9-15
10 min: Lokal nga mga pahibalo. Taho sa kuwenta.
15 min: Pagtabang sa mga Tigulang sa Pagpakig-ambit sa Pag-alagad. Daghang matinumanong tigulang nga mga magmamantala adunay tim-os nga tinguha sa pagpakig-ambit sa pagsangyaw duyog sa kongregasyon, apan sila dunay pisikal nga mga limitasyon gumikan sa edad ug di-maayong panglawas. Adunay mga paagi nga atong ikapakita kanila ang konsiderasyon aron ikalakip sila sa ginurupong pag-alagad: Itanyag ang pagtagana ug sakyanan; hikaya nga sila ang moduaw sa mga balay nga mugbo rag hagdan nga sak-onon; hatagi silag panahon nga makapahulay kon gikapoy; kon aduna ka ing sakyanan, tanyagi silang pasakyon padulong sa ilang mga balikduaw; pahibaloa sila nga ihatod nimo sila sa balay kon bation nilang di na sila makapadayon. Ang mga tigulang mapasalamaton sa tabang nga gitanyag ngadto kanila. Hisgoti ang ubang paagi nga inyong ikapakita kana sa lokal nga kahimtang. Sublia ang pangunang mga puntos sa artikulong “Among Gipabilhan ang mga Tigulang!” nga makaplagan sa Pebrero 1, 1986, Bantayanang Torre, mga panid 28-9.
20 min: “Nagataganag Giya ang Pulong sa Diyos.” (Mga parapo 7-9) Komentohi ang “Panginahanglan sa Giya” sa Mayo 1, 1993, Bantayanang Torre, panid 3. Isaysay kon nganong ang atong mga presentasyon angayng magpasiugda sa kabililhon sa pagpangayog tabang gikan sa mas taas nga Tinubdan—ang Diyos. Ipasundayag sa magmamantala ang mga presentasyon sa mga parapo 7-8. Ipasiugda nga ang atong tumong ngadtongadto mao ang pagsugod ug usa ka pagtuon sa Bibliya sa librong Kahibalo.
Awit 197 ug paniklop nga pag-ampo.
Semana sa Disyembre 16-22
10 min: Lokal nga mga pahibalo. Itanyag ang pipila ka sugyot kon unsaon pagtubag nga mataktikanhon ang mga timbaya sa adlawng piyesta opisyal. Tagika ang linaing mga kahikayan sa pag-alagad sa kanataran alang sa Disyembre 25.
10 min: “Bag-ong Sirkitong Asembliyang Programa.” Pangutanag tubag. Sublia ang mga kaayohan sa miaging mga sirkitong asembliya ug tukora ang kasibot alang sa 1997 nga serye.
25 min: “Pagkalipay Tungod sa Pag-uswag nga Gihatag sa Diyos.” Mainitong pakigpulong pinaagig ansiyano. Ipunting ang mga kasinatian o pamatuod sa pag-uswag sa mga nasod nga girepresentahan, ingon sa gipakita sa bag-ong mga Yearbook.
Awit 41 ug paniklop nga pag-ampo.
Semana sa Disyembre 23-29
10 min: Lokal nga mga pahibalo. Ipunting ang pipila ka igsusulting mga puntos sa bag-ong mga magasin nga magamit sa pag-alagad niining semanaha. Tagika ang linaing mga kahikayan sa pag-alagad sa kanataran alang sa Enero 1.
15 min: Lokal nga mga panginahanglan. O usa ka ansiyano mopakigpulong sa “Pagretiro—Usa ka Bukas nga Pultahan Alang sa Teokratikanhong Kalihokan?” gikan sa Hulyo 15, 1996, Bantayanang Torre, mga panid 24-5.—Tan-awa ang Insight, Tomo 2, panid 794, mga parapo 2-3.
20 min: “Pagpatala sa Tunghaan sa Teokratikanhong Ministeryo.” Pakigpulong pinaagig magtatan-aw sa tunghaan. Ihatag ang lokal nga mga estadistika sa mga nagpatala, ug dasiga ang tanang makahimo nga magpatala. Sublia ang mga instruksiyon sa mga asaynment sa estudyante nga gitagana diha sa “Eskedyul sa Tunghaan sa Teokratikanhong Ministeryo sa 1997.”
Awit 166 ug paniklop nga pag-ampo.
Semana sa Dis. 30–Ene. 5
10 min: Lokal nga mga pahibalo.
20 min: “Ikaw ba Usa ka Timbang nga Payunir?” Pakigpulong pinaagig ansiyano pinasukad sa artikulo sa Mayo 15, 1996 Bantayanang Torre, mga panid 29-31.
15 min: Sublia ang Tanyag nga Literatura sa Enero. Itanyag ang gamay nga librong Mabuhing Walay Kataposan sa gipakubsang amot nga ₱20.00. Kini maoy ekselenteng libro nga ikatanyag ngadto sa mga tawo. Ipunting ang pipila ka igsusulting mga puntos ug mga ilustrasyon nga magamit. Ginamit ang librong Nangatarongan, mga panid 9-15, sa mubo sublia ang tukmang mga introduksiyon. Ipasundayag ang usa o duha ka presentasyon.
Awit 137 ug paniklop nga pag-ampo.