Bag-ong Sirkitong Asembliyang Programa
1 Ang bag-ong programa sa sirkitong asembliya nga magsugod sa Pebrero motagik sa tema nga “Sinatia ang Mas Dakong Kalipay sa Paghatag.” (Buh. 20:35) Ang kalipay gihubit ingon nga “usa ka kahimtang sa kahapsay ug katagbawan.” Kadaghanang katawhan karong adlawa nakakaplag lamang ug temporaryong kalipay sa kinabuhi. Apan, si Jehova nagatudlo kanato kon unsaon nga mabenepisyohan ang atong kaugalingon sa walay kataposan. (Isa. 48:17; 1 Juan 2:17) Ang bag-ong programa sa sirkitong asembliya magpasiugda kon unsaon nga kita makabatog mas dakong kalipay pinaagig paghatag sa espirituwal nga paagi.
2 Makakat-on kitag praktikal nga mga paagi nga niana kita makahatag sa atong kaugalingon sa ministeryo. Ang pipila sa mga pakigpulong nga ihatag pinaagig nagapanawng mga magtatan-aw nag-ulohan: “Pagpakighigala Pinaagig Dili-Matarong nga mga Bahandi,” “Tahora ang Balaang Tagana sa ‘Gasa sa mga Lalaki,’” ug “Sinatia ang Daghang Bahin sa Matuod nga Kalipay.” Kadtong nagatinguhang mabawtismohan didto sa asembliya kinahanglang mosulti ngadto sa nagadumalang magtatan-aw aron iyang mahikay ang mga ansiyano nga mosubli sa mga pangutana sa bawtismo uban kanila. Ang pag-alagad kang Jehova sa usa ka hinlong relasyon magadalag dakong kalipay ngadto sa bag-ong mga bawtismado.
3 Ang tukmang pag-ila sa awtoridad ni Jehova magadala usab ug tinuod nga kalipay ug kasegurohan. Ang tanang tawo kinahanglang masayod niini. Busa, ang pakigpulong publiko sa sirkitong asembliya magtagik sa temang “Pakighiusa Uban sa Malipayong Katawhan sa Diyos.” Seguroha sa pagdapit ang tanang nagpakitag interes sa kamatuoran nga makatambong niining pakigpulonga. Wala sila makakaplag ug lunsay nga kasegurohan ug dumalayong kalipay ubos sa tawhanong pagmando. (Eccl. 8:9) Apan pagkadakong kalipay ang ilang makaplagan nga mahiuban sa malipayong katawhan ni Jehova!—Sal. 144:15b.
4 Bisan pa sa nagakagrabeng mga kahimtang niining sistemaha sa mga butang, kadtong makabaton sa mas dakong kalipay sa paghatag sa espirituwal nga paagi dili gayod pakyason sa malipayong Diyos. (1 Tim. 1:11) Ang bag-ong programa sa sirkitong asembliya magapasundayag niining tinuod. Ayawg sipyata kana!