Padayong Magbantay sa Imong Paglakaw

¹ Ang bag-ong sirkito asembliyang programa sa 1990 magsugod sa Pebrero. Magpasiugda kini sa kahinungdanon sa pagbantay sa atong paglakaw, nagapangagpas sa mga butang nga mohatag ug pakigdait, ug sa paglikay sa daghang lit-ag nga gibutang ni Satanas ug sa iyang kaubanan sa atong dalan, kini espirituhanon ug tawhanon.

² Ang pagsubay sa dalan sa pagkamatarong dili mahimong mas sayon niining kataposang mga adlaw. Busa, ang duha-adlaw nga sirkitong asembliyang programa motagana ug pagpalig-on ug mapuslanong tambag sa pagtabang sa katawhan ni Jehova aron makamentinar sa ilang espirituwal nga pagkatimbang ug mapamatud-an nga mga tighupot sa integridad.

³ Ang tema sa asembliya, “Padayong magbantay kon unsa ang inyong paglakaw,” nga gipasukad sa Efeso 5:15, 16, maoy haom kaayo sa katagikan ug presentasyon sa giandam nga materyal. Ang instruksiyon igahatag pinaagig mga pakigpulong, mga pasundayag, mga kasinatian, ug mga interbiyu. Sa Sabado, adunay kahigayonan alang sa bag-ong mga dedikado sa pagpabawtismo. Busa, kadtong nagaplano sa pagpabawtismo sa sirkitong asembliya kinahanglang mopahibalo nga abante pa kaayo sa nagadumalang magtatan-aw aron ang mga kahikayan mahimo sa pagsubli sa unang mga pangutana.

⁴ Ang dakong punto sa sirkitong asembliya mao ang pahayag publiko nga ipakigpulong sa magtatan-aw sa distrito. Ang ulohan sa iyang pakigpulong maoy “Mga Tigdala sa Kahayag sa Mangitngit nga Kalibotan.” Kining panaghisgota sa Bibliya nasudlan sa hinungdanong impormasyon alang sa bag-ohang mga interesado, ug kini makapalig-on kanila nga nag-alagad na ingong mga ministro sa maayong balita.​—Mat. 24:14.

⁵ Ang inyong magtatan-aw sa sirkito magpahibalo kaninyo kon kanus-a ug diin himoa ang inyong sirkitong asembliya. Paghimog tinong mga plano sa pagtambong sa tanang sesyon sa maong duha ka adlaw. Dili ta matugotan nga sayloan ang bisan unsang bahin sa programa. Si Jehova magaganti sa inyong mga panlimbasog pinaagig pagbulig kaninyo sa padayong pagbantay sa inyong paglakaw.