Mga Tigom sa Pag-alagad Alang sa Septiyembre
Semana sa Septiyembre 1-7
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Unaha ang Mas Importanteng mga Butang.” Pangutanag tubag. Segun sa itugot sa panahon, komentohi ang “Setting Proper Priorities” diha sa Pebrero 22, 1987, Awake!, mga panid 8-9.
20 min: “Ipaambit sa Uban Ang Sekreto sa Kalipay sa Pamilya.” Pakigpulong nga magkobre sa mga parapo 1 ug 6-8. Ipasundayag ang mga parapo 2-5.
Awit 107 ug paniklop nga pag-ampo.
Semana sa Septiyembre 8-14
10 min: Lokal nga mga pahibalo. Taho sa kuwenta.
15 min: Lokal nga mga panginahanglan. O pakigpulong sa “Likayi ang Pagpasangil ug Sayop nga mga Motibo” diha sa Bantayanang Torre sa Mayo 15, 1997, mga panid 26-9.
20 min: “Mga Pagtuon sa Bibliya nga Nagahimog mga Tinun-an.” Pakigpulong ug panaghisgot sa grupo. Ansiyano magsubli sa artikulo. Dayon iyang hisgotan ang “Palihoka ang mga Estudyante Ngadto sa Pahinungod ug Bawtismo” (km 6/96 nga pasukip, mga par. 20-2) uban sa batid nga mga magmamantala kinsa nagdumalag mga pagtuon.
Awit 109 ug paniklop nga pag-ampo.
Semana sa Septiyembre 15-21
10 min: Lokal nga mga pahibalo.
15 min: Gamitag Maayo ang mga Video. Sublia ang mga sugyot bahin sa paggamit ug mga video sa Sosyedad ug iasoy ang lokal nga mga kasinatian nga mag-ilustrar kon sa unsang paagi magamit sa dugang pa ang mga video, diha sa atong mga pamilya ug sa atong ministeryo. Ang dugang mga reperensiya sa paggamit sa mga video makaplagan diha sa 1996 Yearbook, panid 6, Oktubre 1, 1992 nga Bantayanang Torre, mga panid 30-1, ug sa pasukip sa Abril, 1997 nga Atong Ministeryo sa Gingharian, panid 4, parapo 9.
20 min: Nagagamit Ka ba sa Edukasyon nga Brosyur? Hisgotan sa ansiyano ang Oktubre 1, 1985, Watchtower, mga panid 30-1, uban sa pipila ka ginikanan ug mga anak. Samtang nagahisgot kini sa kanhing School nga brosyur, ikasaysay nila ang ilang personal nga mga kasinatian ginamit ang labing ulahing Edukasyon nga brosyur.
Awit 112 ug paniklop nga pag-ampo.
Semana sa Septiyembre 22-28
8 min: Lokal nga mga pahibalo.
17 min: Kon Unsaon Pagsugod ug Panaghisgot. Daghan sa atong kalamposan diha sa ministeryo nagaagad sa atong pagkaarang sa pagsugod ug mga panaghisgot uban sa katawhan. Sa dihang kita makahimo sa pagsultig butang nga makapaminaw sa uban, atong nabuntog ang usa sa labing dakong mga kababagan nga atong ginaatubang sa pagsangyaw. Hisgoti uban sa mamiminaw ang yawing mga puntos diha sa Giya sa Tunghaan, tun-anan 16, mga parapo 11-14. Ipaasoy sa mga magmamantala nga hanas ug epektibo sa pagsugod ug mga panaghisgot ang pasiunang mga pulong nga ilang gigamit sa pagpakigsulti ngadto sa mga tawo sama sa (1) usa nga naglakaw sa dalan, (2) usa ka pasahero sa bus, (3) usa ka tigpamaligya, (4) tigpamalit nga anaa sa parkinganan, (5) usa ka tawo diha sa lingkoranan sa parke, ug (6) usa nga nakontak sa pagsangyaw pinaagig telepono.
20 min: Sublia ang Taho sa Tuig sa Pag-alagad sa Kongregasyon sa 1997. Dayegon sa magtatan-aw sa pag-alagad ang kongregasyon tungod sa maayong paningkamot, ilabina sa Marso, Abril, ug Mayo. Motanyag ug mga sugyot gikan sa lawas sa mga ansiyano ug gikan sa ulahing taho sa magtatan-aw sa sirkito aron sa pagpauswag sa pag-alagad sa kanataran ug pagtuon sa Bibliya nga buluhaton. Magtagik ug pipila ka praktikal nga mga tumong alang sa bag-ong tuig sa pag-alagad, lakip ang pagsugod ug mga pagtuon sa Bibliya ug pag-oksilyare payunir sa mga bulan nga may lima ka hinapos sa semana—Nobyembre, Mayo, Agosto.
Awit 113 ug paniklop nga pag-ampo.
Semana sa Sep. 29–Okt. 5
15 min: Lokal nga mga pahibalo. Ipahibalo nga atong sugdan ang pagtuon sa Kalipay sa Pamilya nga libro sa sunod semana sa pagtuon sa libro. Sa pagpangandam sa buluhaton sa pagmagasin sa Oktubre, hisgoti ang panginahanglan sa “Analisaha ang Imong Teritoryo,” “Sinatia ang Imong Kaugalingon sa mga Magasin,” “Andama ang Imong Pasiunang mga Pulong,” “Pahiuyon sa Tagbalay,” ug “Magtinabangay sa Usag Usa” gikan sa Oktubre 1996 nga Atong Ministeryo sa Gingharian, panid 8.
15 min: Pakigpulong sa ansiyano diha sa “Tawhanong Kahuyangan Magtuboy sa Gahom ni Jehova” pinasukad sa Hunyo 1, 1997 nga Bantayanang Torre, mga panid 24-7.
15 min: Himayaa ang Imong Ministeryo. Panaghisgot uban sa mamiminaw sa Atong Ministeryo nga libro, mga panid 81-3. Isukna kining mga pangutanaha sa pagpasiugda sa pangunang mga puntos: (1) Sa unsang paagi kita mabenepisyohan sa pagsunod sa panig-ingnan ni Jesus? (2) Unsa ka importante ang atong responsabilidad sa pagsangyaw? (3) Unsang mga motibo ang nagtukmod kanato sa pagpahinungod sa atong mga kinabuhi ngadto kang Jehova? (4) Unsang matanga sa panggawi ang gikinahanglan kon ang usa ka tawo moalagad sa Diyos? (5) Unsay atong makat-onan gikan sa paagi ni Jesus sa pagsangyaw?
Awit 121 ug paniklop nga pag-ampo.