Mga Tigom sa Pag-alagad Alang sa Pebrero
Semana sa Pebrero 1
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Pahinumdomi ang tanan sa pagtunol sa mga taho sa pag-alagad sa kanataran alang sa Enero.
17 min: “Itanyag ang Librong Kalipay sa Pamilya Ngadto sa mga Tawo sa Tanang Pangedaron.” Ansiyano maghisgot sa artikulo uban sa duha o tulo ka takos nga mga magmamantala. Ipunting ang tumong sa pagtabang sa uban aron makaamgo nga ang sekreto sa kalipay sa pamilya anaa sa pagsunod sa tambag sa Bibliya. (Tan-awa ang Kalipay sa Pamilya, mga panid 9-12.) Ipasundayag ang usa sa sinugyot nga mga presentasyon. Ipakita kon sa unsang paagi hikayon ang usa ka balikduaw.
18 min: “‘Isul-ob ang Bag-ong Pagkatawo.’” Pakigpulong, nga mag-analisar sa Efeso 4:20-24. (Tan-awa ang Marso 1, 1993, Bantayanang Torre, mga panid 14-18, mga parapo 4-17.) Isaysay kon unsaon nato paghukas ang daang pagkatawo ug pagsul-ob sa bag-o.
Awit 4 ug paniklop nga pag-ampo.
Semana sa Pebrero 8
10 min: Lokal nga mga pahibalo. Taho sa kuwenta.
15 min: Lokal nga mga panginahanglan.
20 min: “Kita Nakakuhag Kaayohan Gikan sa ‘Iya sa Diyos nga Dalan sa Kinabuhi’ nga mga Kombensiyon.” Pangutanag tubag. Ipakita ang bag-ong libro ug brosyur, ug ipunting ang mga paagi nga atong magamit kini diha sa ministeryo. Pananglitan, dunay 40 ka ilustrasyon diha sa bag-ong brosyur ingon man mga pangutlo nga makita diha sa sinugdanan sa matag seksiyon, nga magamit sa pagpukaw sa interes sa mga tawo. Ipakita kon sa unsang paagi ang kataposang seksiyon ikabutyag sa dihang magtanyag ug pagtuon sa Bibliya sa balay. Diha sa Creator nga libro, ang Kapitulo 10 naghatag ug makapatagbawng tubag sa pangutanang gisukna sa daghang tawo: “Kon ang Maglalalang nagatagad, nganong hilabihan man ang pag-antos?”
Awit 173 ug paniklop nga pag-ampo.
Semana sa Pebrero 15
10 min: Lokal nga mga pahibalo. Teokratikanhong mga Balita.
18 min: Sa Unsang Paagi Kita Nabenepisyohan Pinaagig Pagpatala Diha sa Tunghaan sa Teokratikanhong Ministeryo? Panaghisgot sa mamiminaw nga dumalahon sa magtatan-aw sa tunghaan. Ang pagbansay sa pagpakigpulong sa publiko dili ang bugtong katuyoan sa tunghaan. Adunay ubang mga paagi nga kita diretsong mabenepisyohan. (Tan-awa ang Giya sa Tunghaan, mga panid 12-13.) Makakat-on kita kon unsaon pagpakigsulti nga mas maayo sa ubang mga tawo. Gitudloan kita sa pagsulti uban ang katin-aw, katimbang, ug pagsalig sa kaugalingon. Mahimo kitang hanas sa pagtubag sa mga pangutana bahin sa atong mga tinuohan ug sa pagsaysay sa atong gipasukad-sa-Bibliyang mga desisyon. Mouswag ang atong kahibalo sa Bibliya, magtabang kanato nga mas epektibo sa pagsangyaw sa uban. Makakat-on kita sa pag-ila sa atong mga kahuyangan ug sa pagdawat ug tambag, nga moresulta sa atong pagpakiglabot nga mas malinawon sa uban. Ang katibuk-ang pagbansay nga ginatagana sa tunghaan magtabang kanato nga magpabilin sa “pagkaigong kuwalipikado” isip mga ministro sa Diyos.—2 Cor. 3:5, 6.
17 min: “Kon Unsaon nga Magbuliganay ang mga Membro sa Banay Alang sa Bug-os nga Pakig-ambit—Diha sa Pagtuon sa Bibliya.” Panaghisgot sa usa ka grupo sa banay. Ilang susihon kon sa unsang paagi ilang ginapadapat ang mga sugyot bahin sa pagbasa ug pagtuon sa Bibliya sa pamilya nga makaplagan diha sa Mayo 15, 1996, Bantayanang Torre, mga panid 14-15, ug ang Oktubre 15, 1992, Bantayanang Torre, mga panid 16-17.
Awit 57 ug paniklop nga pag-ampo.
Semana sa Pebrero 22
10 min: Lokal nga mga pahibalo.
15 min: Ikaw ba Nagasusi sa Kasulatan sa Adlaw-Adlaw? Pakigpulong ug panaghisgot sa mamiminaw. Matag tuig ang Sosyedad nagatagana sa pulyeto nga Pagsusi sa Kasulatan. Ginagamit ba nimog maayo kining publikasyona ingong indibiduwal o usa ka grupo sa pamilya? Ipatin-aw ang mapuslanong mga rason kon nganong angay natong tagdon ang teksto sa kasulatan alang sa matag adlaw. Hisgoti ang mga komento gikan sa pasiuna sa Pagsusi sa Kasulatan sa Adlaw-Adlaw—1999, mga panid 3-4. Dapita ang mga magmamantala sa pag-asoy sa linaing paningkamot nga ilang gihimo sa pagtagad sa adlaw-adlaw nga teksto ug mga komento sa matinumanong paagi ingong mga indibiduwal ug mga pamilya.
20 min: Kon Unsaon sa Pagkaplag ug Kalipay sa Paghimog Tinun-an. Pakigpulong nga gipasukad sa Pebrero 15, 1996, Bantayanang Torre, mga panid 19-22.
Awit 91 ug paniklop nga pag-ampo.