Teokratikanhong mga Balita

◼ Ang mga Saksi ni Jehova opisyal nga narehistro sa Bulgaria sa Oktubre 7, 1998. Kita makig-ambit sa 946 ka magmamantala didto sa pagpasalamat kang Jehova alang niini nga kaugmaran.

◼ Sa Oktubre 12, 1998, ang kagamhanan sa Latvia nagtugot nga marehistro ang unang 2 sa 21 ka kongregasyon sa maong nasod.

◼ Bisan pa sa pagsupak, ang mga igsoon sa Pransiya milahutay sa ilang pagsangyaw sa Gingharian. Sa Nobyembre ug Disyembre, ang usa ka kampanya sa pagpatagad sa nasod ngadto sa Bibliya gisentro diha sa linaing pagpanagtag sa brosyur nga Usa ka Basahon Alang sa Tanang Tawo. Mga 50 ka Bethelite ang mibalhin gikan sa Pransiya ngadto sa Britanya aron sa pagtabang sa mga palakaw sa pagpatik ug pagpadala diha sa sangang buhatan, samtang ang nahibiling 250 ka membro sa pamilyang Bethel sa Pransiya ug ang mga igsoon sa kanataran nagpadayon sa pag-alagad nga malipayon ilalom sa normal nga mga kahimtang.