Espesyal nga Kampanya
Oktubre 16–Nobyembre 12!
1 “Ang Kataposan sa Bakak nga Relihiyon Haduol Na!” Kanay ulohan sa Kingdom News Num. 37, nga ipanagtag sa tibuok kalibotan nga magsugod sa sunod bulan. Sa unang katunga sa Oktubre, atong itanyag ang mga magasing Bantayanang Torre ug Pagmata! Sugod sa Lunes, Oktubre 16, hangtod sa Dominggo, Nobyembre 12, kita mohimog malukpanong pagpanagtag sa Kingdom News Num. 37. Sa mga hinapos sa semana panahon sa kampanya, atong itanyag kini uban sa bag-ong mga magasin.
2 Kon Kinsay Makapakigbahin: Ang tanang aktibong magmamantala sa maayong balita buot gayong makigbahin sa bug-os. Ang pipila lagmit mag-oksilyare payunir. Aduna ka bay mga anak o mga ginatun-an sa Bibliya nga mauswagon sa espirituwal? Ubani sila ngadto sa mga ansiyano aron ilang masuta kon kuwalipikado na ba sila nga mahimong di-bawtismadong mga magmamantala. Ang mga ansiyano kinahanglang manguna sa pagpakigsulti sa di-aktibong mga magmamantala aron dasigon sila sa pagpakigbahin, tingali ipauban sa eksperyensiyadong mga magmamantala.
3 Gipadala na ang suplay sa Kingdom News Num. 37 ngadto sa tanang kongregasyon aron ang mga magmamantala ug mga payunir makakuha ug tag-50 ka kopya. Kon dili mahurot sa pipila ka magmamantala ang 50 ka kopya, mahimong gamiton sa mga regular payunir ang sobrang mga suplay. Ang mga interesado nga dili pa mga magmamantala makadawat ug lima ka kopya nga mahimo nilang ipanghatag sa mga membro sa ilang pamilya ug mga higala. Ang tanang magmamantala kinahanglang magrekord sa gidaghanon sa ilang napahimutang ug isulat kini diha sa luyo sa ilang mga taho sa pag-alagad sa kanataran sa kataposan sa Oktubre ug Nobyembre. Iphon sa sekretaryo ang total alang sa kongregasyon ug itaho kini ngadto sa sangang buhatan sa kataposan sa matag bulan. Ang bisan unsang mga kopya sa Kingdom News nga nahibilin inigkahuman sa kampanya mahimong gamiton diha sa bisan unsang bahin sa ministeryo.
4 Kon Unsay Isulti: Pamub-a ra ang inyong presentasyon, kay mas kaylap nga mapasa ang mensahe pinaagi niini. Makaingon ka: “Ingong serbisyo publiko, nakigbahin ako sa tibuok-kalibotang pagpanagtag niining hinungdanong mensahe. Kini ang imong libreng kopya. Palihog basaha kini.” Mas maayong dili magdala ug bag nga pangsangyaw samtang namalaybalay. Paneguroa nga marekord ang interes nga nakaplagan.
5 Kon sa Unsang Paagi Kobrehan ang Inyong Teritoryo: Imbes ipanagtag ang Kingdom News diha sa kadalanan, isentro ang pagtagad sa pagpamalaybalay ug sa mga negosyohanan kutob sa mahimo. Ilista ang mga balay nga walay tawo, ug paningkamoting makabalik sa laing panahon o adlaw sa maong semana. Sugod sa Lunes, Nobyembre 6, ang usa ka kopya mahimong ibilin diha sa mga balay nga walay tawo. Hinunoa, kon ang kongregasyon adunay mas daghang teritoryo kay sa makobrehan sa gitagal nga panahon, ang mga ansiyano ray mag-igo kon ang Kingdom News kinahanglang ibilin diha sa mga balay nga walay tawo sa tibuok kampanya.
6 Ang kalaglagan sa “Dakong Babilonya” kusog nga nagsingabot. Kinahanglang makagawas ang mga tawo gikan kaniya sa dili pa siya malaglag sa bug-os. (Pin. 14:8; 18:8) Pagplano na karon nga makapakigbahin sa bug-os sa tibuok-kalibotang kampanya aron sa pagpahibalo sa tanan nga ang kataposan sa bakak nga relihiyon haduol na!