Mga Tigom sa Pag-alagad Alang sa Septiyembre
Semana sa Septiyembre 6
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ilakip ang “‘Matagnaong Pulong sa Diyos’ Distritong mga Kombensiyon.”
17 min: “Nagabuhat Ka ba nga Adunay Katuyoan?” Pangutanag tubag. Ilakip ang mga komento diha sa Atong Ministeryo nga libro, mga panid 88-9.
18 min: “Mga Ginikanan—Ihatag ang Maayong Panig-ingnan Alang sa Inyong mga Anak.” Panaghisgot sa artikulo pinaagi sa duha ka igsoong lalaki nga mga ginikanan. Sila nagpahayag ug kabalaka bahin sa pagpanalipod sa ilang mga anak gikan sa makadaot nga mga buhat ug mga tinamdan nga sila maladlad sa eskuylahan, sa telebisyon, ug sa di-Saksing mga paryente ug uban pa. Tagdon sa mga igsoong lalaki ang di-matinahurong mga tinamdan, kalibotanong sinultihan ug pamostura, ug dili-maayong kalingawan. Human ipabanaag ang panginahanglan sa paghatag ug maayong panig-ingnan, ilang hisgotan ang mga paagi sa pagtukod ug mas dakong kadasig sa pagtuon sa pamilya, sa mga tigom sa kongregasyon, ug sa pag-alagad sa kanataran.—Tan-awa ang Hulyo 1, 1999, Bantayanang Torre, mga panid 8-22, ug Septiyembre 22, 1991, Pagmata!, mga panid 8-9.
Awit 101 ug paniklop nga pag-ampo.
Semana sa Septiyembre 13
10 min: Lokal nga mga pahibalo. Taho sa kuwenta.
15 min: Unsay Atong Nahimo sa Miaging Tuig? Pakigpulong sa magtatan-aw sa pag-alagad. Repasoha ang dagkong mga puntos gikan sa taho sa kongregasyon alang sa 1999 nga tuig sa pag-alagad. Hatagig komendasyon ang pag-uswag nga nahimo. Hatagig pagtagad ilabina ang bahin sa pagtambong sa tigom ug mga pagtuon sa Bibliya. Paglaraw ug praktikal nga mga tumong alang sa umaabot nga tuig.
20 min: “Unsay Imong Isulti Ngadto sa Usa ka Hindu?” Pangutanag tubag. Ipakita kon sa unsang paagi ang gisugyot nga mga presentasyon mapasibo sa pagsangyaw ngadto sa mga tawo sa bisan unsang relihiyosong kagikan. Ipasundayag ang usa ka naandam-pag-ayong presentasyon sa pagsangyaw ngadto sa usa ka Hindu. Alang sa dugang impormasyon bahin sa Hinduismo, tan-awa ang librong Nangatarongan, mga panid 21, 22 ug Pagpangita sa Katawhan sa Diyos, kapitulo 5.
Awit 140 ug paniklop nga pag-ampo.
Semana sa Septiyembre 20
12 min: Lokal nga mga pahibalo.
15 min: Lokal nga mga panginahanglan.
18 min: Gamitag Maayo ang Librong Creator. Pakigpulong ug mga demonstrasyon. Ang Abril 1999 nga Atong Ministeryo sa Gingharian nagpatin-aw nga ang librong Creator mahimong itanyag sa bisan unsang panahon nga mahibalag nato ang mga tawo nga (1) dili motuo sa Diyos o (2) nagtuo sa Diyos apan walay tinong ideya kon kinsa siya o kon unsa ang iyang mga hiyas ug mga katuyoan. Ang mga pangutana ug mga komento sa likod nga hapin mahimong gamiton sa pagpukaw sa interes nga basahon ang libro. O ang panid 152 mahimong gamiton sa epektibong paagi. Ang magmamantala tingali mosukna: “Asa man nato makaplagan ang labing maayong tambag sa pagsulbad sa atong makapalibog kaayong mga suliran?” Mahimong iyang ipakita sa tawo kon sa unsang paagi ang iladong mga awtoridad midayeg sa Sermon ni Jesus sa Bukid, hangyoa siya sa pagpili sa usa sa pito ka dagkong mga puntos nga nagpainteres kaayo kaniya, ug dayon basaha ang pipila sa gikutlong mga bersikulo. Ipasundayag ang maong duha ka sugyot.
Awit 175 ug paniklop nga pag-ampo.
Semana sa Septiyembre 27
15 min: Lokal nga mga pahibalo. Repasoha ang pipila sa mga sugyot diha sa Oktubre 1996 nga Atong Ministeryo sa Gingharian, panid 8, kon unsaon pag-andam ang mga presentasyon sa magasin nga magamit sa kampanya sa Oktubre. Ipasundayag ang usa o duha ka mubong presentasyon.
15 min: “Pangutana.” Pakigpulong sa usa ka ansiyano.
15 min: “Nagauswag ang Matuod nga Pagsimba sa Sidlakang Uropa.” Dumalahon sa ansiyano ang pangutanag tubag nga sesyon. Paghisgot ug mga kasinatian o pamatuod sa pag-uswag sa mga nasod nga gihawasan, sumala sa taho sa di pa dugayng mga Yearbook.
Awit 87 ug paniklop nga pag-ampo.