Kon Unsay Isulti Labot sa mga Magasin

Ang Bantayanang Torre Ene. 15

“Tungod sa tanang pag-ulag dugo nga nagakahitabo, gihunahuna mo ba nga ang daotan nagmadaogon batok sa maayo? [Tugoting motubag.] Matikdi kon unsay giingon sa Bibliya bahin sa Diyos. [Basaha ang Salmo 83:18b.] Sanglit ang Diyos mao man ang Labing Hataas ibabaw sa yuta, makadaog ba gayod ang daotan? [Tugoting motubag.] Kining gulaa sa Ang Bantayanang Torre naghatag ug makapatagbawng tubag sa maong pangutana.”

Pagmata! Ene. 22

“Ang atong kasegurohan ginahulga kay sukad masukad. Ang usa ka nagtubong kabalaka maoy butang nga gitawag ug identity theft o pagpangawat ug impormasyon bahin sa imong pagkatawo. Nakadungog ka na ba niana? [Tugoting motubag.] Nagsaad ang Bibliya nga may adlaw ra nga kining yutaa mahimong luwas gikan sa tanang hulga sa atong kasegurohan. [Basaha ang Isaias 11:9.] Kining magasina nagpatin-aw kon sa unsang paagi kini matuman.”

Ang Bantayanang Torre Peb. 1

“Daghang tawo karon nabalaka bahin sa panarbaho, ug ang uban napit-osan pag-ayo diha sa trabahoan. Sa imong hunahuna posible ba nga mobatig kalipay ug kasegurohan diha sa trabahoan? [Tugoting motubag. Dayon basaha ang Isaias 65:21-23.] Kining gulaa sa Ang Bantayanang Torre naghisgot sa panahon sa dihang ang tanan makabaton ug makapatagbaw nga trabaho.”

Pagmata! Peb. 8

“Kining gulaa sa Pagmata! nagtaho bahin sa makapasubo nga kamatuoran sa atong panahon​—pagpamampam sa bata. Gisaad sa Bibliya nga hanawon sa dili madugay kining makapaguol nga matang sa pag-abuso sa bata. [Basaha ang Proverbio 2:​21, 22.] Gipakita niining magasina kon unsay nagpaluyo sa maong pagpahimulos sa kabataan ug kon sa unsang paagi kini masumpo.”