Eskedyul sa Tigom sa Pag-alagad

Semana sa Mayo 12

Awit 1

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang duha ka separadong mga pasundayag kon sa unsang paagi itanyag ang Mayo 15 nga Bantayanang Torre ug ang Mayo 22 nga Pagmata! Isulti usab ngadto sa tagbalay ang kahikayan sa donasyon.

20 min: Mga Ginikanan​—Tabangi ang Inyong mga Anak nga Mouswag. Pakigpulong nga maghisgot sa hinungdanong mga punto gikan sa Tunghaan sa Ministeryo nga libro, mga panid 9-12 ug 21-38. Dasiga ang mga ginikanan sa paggamit sa pipila niining impormasyona diha sa ilang pagtuon sa pamilya, uban ang tumong nga bansayon ang ilang mga anak nga mouswag diha sa ministeryo.

15 min: “Gipiyalan sa Maayong Balita.”a Hikaya daan ang usa o duha ka magmamantala sa pagsaysay sa mubo kon sa unsang paagi ilang napasibo ang ilang personal nga mga kahimtang aron mapauswag ang ilang pakig-ambit diha sa buluhatong pagsangyaw.

Awit 46 ug paniklop nga pag-ampo.

Semana sa Mayo 19

Awit 62

15 min: Lokal nga mga pahibalo. Taho sa kuwenta. Hisgoti ang “Internasyonal nga Pagpanukod ug Kingdom Hall sa Pipila ka Nasod sa Uropa.” Hisgoti nga ang pagtukod ug mga Kingdom Hall dinhi sa lokal nga teritoryo sa sanga gisuportahan pinaagig mga amot ngadto sa Kingdom Hall Fund.

15 min: “Mga Pangutana.” Pakigpulong. Sa mubo repasoha ang pipila ka sugyot alang sa mga presentasyon pinaagig telepono nga makita diha sa Pebrero 2001 nga Atong Ministeryo sa Gingharian, panid 6, mga parapo 10-13.

15 min: “Dayega si Jehova Pinaagig Di-Pormal nga Pagpamatuod.” Pakigpulong ug panaghisgot sa mamiminaw. Sa dihang hisgotan ang parapo 3, pangutan-a ang mamiminaw kon unsay mahimong isulti aron makasugod ug panaghisgot sa Bibliya diha sa pipila sa mosunod nga mga kahimtang: (1) samtang nagtindog sa palitanan, (2) samtang nagsakay sa publikong sakyanan, (3) ngadto sa silingan nga nagtrabaho diha sa lagwerta, (4) ngadto sa isigkatrabahante diha sa imong gitrabahoan, ug (5) ngadto sa usa ka klasmet diha sa eskuylahan. Hikaya daan ang lokal nga kasinatian nga magpakita kon sa unsang paagi ang magmamantala malamposong nakahatag ug di-pormal nga pagpamatuod.

Awit 135 ug paniklop nga pag-ampo.

Semana sa Mayo 26

Awit 174

10 min: Lokal nga mga pahibalo. Ginamit ang mga sugyot sa panid 8, himoa ang duha ka separadong mga pasundayag kon sa unsang paagi itanyag ang Hunyo 1 nga Bantayanang Torre ug ang Hunyo 8 nga Pagmata!

15 min: Tabangi ang Uban sa Pakigsuod Kang Jehova. Pakigpulong ug panaghisgot sa mamiminaw. Atong itanyag ang bag-ong libro sa Hunyo. Hisgoti ang mubong mensahe alang sa mga magbabasa diha sa panid 3, ug ipasiugda ang pipila ka hinungdanong mga bahin sa libro. Ang matag usa sa upat ka seksiyon nagsentro sa pagtagad sa usa sa mga hiyas ni Jehova. Adunay 17 ka tibuok-panid nga mga ilustrasyon sa mga esena sa Bibliya. Repasoha ang kahong “Sugyot nga mga Presentasyon Alang sa Pakigsuod Kang Jehova,” ug ipasundayag sa takos nga magmamantala ang usa sa mga presentasyon.

20 min: “Ang Pulong sa Diyos Maoy Kamatuoran.”b Gamita ang mga pangutana nga gitagana. Sa dihang hisgotan ang parapo 4, ipasundayag sa takos nga magmamantala kon sa unsang paagi gamiton ang Bibliya diha sa unang duaw, ginamit ang pipila sa mga sugyot nga makita diha sa artikulong “Gamita ang Pulong sa Diyos sa Hustong Paagi.”​—km 12/01 p. 1 mga par. 3-4.

Awit 188 ug paniklop nga pag-ampo.

Semana sa Hunyo 2

Awit 210

10 min: Lokal nga mga pahibalo. Repasoha ang usa o duha ka sugyot gikan sa pasukip sa Mayo 2002 nga Atong Ministeryo sa Gingharian alang sa pagtanyag sa brosyur nga Gikinahanglan ug sa librong Kahibalo.

20 min: Dungganong Kaminyoon​—Usa ka Diyosnong Kinahanglanon. Pakigpulong ug panaghisgot sa mamiminaw. Diha sa daghang nasod, naandan na alang sa mga parisan nga magpuyopuyo nga walay legal nga kaminyoon. Isentro ang pagtagad sa panglantaw sa Bibliya, nga nagpasiugda nga ang kaminyoon maoy kahikayan sa Diyos. (rs p. 108-9; p. 248-9 sa Iningles) Ang pagpuyopuyo nga walay kasal maoy pakighilawas. (fy p. 17) Kasukwahi sa gituohan sa daghan, gipakita sa mga pagtuon nga ang pagpuyopuyo nga wala pay kasal magpakunhod sa posibilidad nga molampos ang kaminyoon. (g02 3/8 p. 29; g92 9/8 p. 28; g91 5/8 p. 28) Ang mga Kristohanon nagpasidungog kang Jehova pinaagi sa pagsunod sa iyang mga sukdanan. Sa paghimo niana, sila usab makabaton ug kaayohan.​—Isa. 48:17, 18.

15 min: Sa Unsang Paagi Ikaw Nakabenepisyo? Panaghisgot sa mamiminaw nga dumalahon sa magtatan-aw sa tunghaan. Sugod sa Enero, gipasiugda kanato ang bag-ong kahikayan alang sa Teokratikanhong Tunghaan sa Ministeryo. Ipatugbaw ang positibong mga resulta nga nakita sa pagkakaron. Midaghan ba ang nagpalista sa tunghaan? Aduna bay mas dakong kahinangop sa pagpakig-ambit? Sa unsang paagi nakabenepisyo ang mga estudyante gikan sa bag-ong mga kahikayan sa paghatag ug tambag? Dapita ang mamiminaw sa pag-asoy kon sa unsang paagi sila personal nga nakabenepisyo gikan sa bag-ong programa.

Awit 225 ug paniklop nga pag-ampo.

[Mga footnote]