Dapita ang Tanan sa Pagtambong sa Memoryal!

Ang kampanya magsugod sa Pebrero 27. Atong imbitahon kutob sa atong maarangan ang tanan sa atong teritoryo sa pagtambong sa Memoryal sa kamatayon ni Kristo. Kinahanglang alisto ta kon dunay magpakitag interes aron ato ning maatiman.

KON UNSAY HIMOON

ISULTI ANG IMONG PRESENTASYON

“Nanagtag mig imbitasyon para sa importante kaayong okasyon. Sa Marso 23, minilyon sa tibuok kalibotan ang magtigom aron handomon ang kamatayon ni Jesu-Kristo ug paminawon ang libreng diskurso kon nganong makabenepisyo ta sa iyang kamatayon. Ania sa imbitasyon ang oras ug adres kon asa kini himoon sa atong lugar. Maayo untag makatambong ka.”

Kon interesado ang tagbalay . . .

• ITANYAG ANG BANTAYANANG TORRE

  Paghimog pundasyon para sa pagbalikduaw.

• IPASALIDA ANG VIDEO SA MEMORYAL

  Paghimog pundasyon para sa pagbalikduaw.

Pagbalik nimo, puwede nimong . . .

• I-PLAY ANG NGANONG TUN-AN ANG BIBLIYA?

  Dayon pagtanyag ug pang-Bible study nga basahon.

• ITANYAG ANG UNSAY TINUOD NGA GITUDLO SA BIBLIYA?

  Gamita ang panid 206-208 para sa dugang impormasyon bahin sa Memoryal. Dayon itanyag ang libro.

• ITANYAG ANG PAMATI SA DIYOS UG MABUHI KA SA WALAY KATAPOSAN

  Hisgoti ang kahulogan sa kamatayon ni Kristo gamit ang panid 18-19. Dayon itanyag ang brosyur.