Imong Madawat ang Gisaad sa Mahigugmaon nga Diyos

• Nangandoy ba kag kalibotan nga walay gubat, kapintasan, ug panag-away?

• Nangandoy ba ka nga mawala na ang sakit, pag-antos, ug kamatayon?

• Gusto ba nimong mabuhi nga walay mga kabalaka?

• Gusto ba nimong magpuyo sa usa ka lugar nga walay mga kalamidad?

Ang atong mahigugmaong Diyos, nga naghimo sa atong nindot nga planeta, nagsaad nga ang katawhan makabaton ug malinawon ug malipayong kinabuhi hangtod sa hangtod. Dili kini usa ka damgo.

Sa mosunod nga mga artikulo, imong mahibaloan:

• Kon unsay gibati sa Diyos para sa katawhan

• Kon unsay mensahe sa Diyos kanato

• Kon unsay gipadayag sa mga propeta sa Diyos bahin sa iyang mga saad

• Kon unsay atong mahimo aron magmalipayon karon ug makabenepisyo sa mga saad sa Diyos sa umaabot

Una, sayra kon unsay gitagana sa Diyos nga nagpamatuod sa iyang gugma kanato.