Pagsaulog sa Memoryal—Biyernes, Abril 3, 2015
NIADTONG Sabado, Marso 7, 2015, gisugdan sa tanang kongregasyon sa tibuok kalibotan ang upat ka semanang kampanya. Daghan ang giimbitar aron moduyog nato sa paghinumdom sa kamatayon ni Jesu-Kristo ug maminaw sa diskurso bahin sa mga benepisyo sa iyang kamatayon. Minilyon ang personal nga giimbitar, gitawgan sa telepono, ug gipadad-ag sulat. Unsay resulta? Pagka-Biyernes, Abril 3, lipay kaayo ang mga Saksi ni Jehova dihang 19,862,783 ang mitambong niining sagradong okasyon. Sa pagkakaron, gipaningkamotan nga tabangan kadtong nanambong nga mahimong bahin sa katawhan ni Jehova, mahimong iyang magsisimba, mabati iyang gugma, ug matagamtam ang dagayang panalangin.—Miq. 4:2.