Kampanya sa Pagpanagtag ug Imbitasyon sa Memoryal Magsugod sa Marso 22

Karong tuiga, ang atong kampanya sa pagpanagtag ug imbitasyon sa Memoryal magsugod sa Sabado, Marso 22. Gidasig ang tanan nga makigbahin. Sa hinapos sa semana, itanyag usab nato ang bag-ong mga magasin kon haom. Sa unang Sabado sa Abril, magpokus ta sa pagpanagtag ug imbitasyon inay sa pagsugod ug Bible study. Kon duna gyoy interesado, mahimo kitang mosugod ug Bible study. Ang magtatan-aw sa pag-alagad maoy mag-igo kon ang pagpanagtag ug imbitasyon pinaagi sa publikong pagsangyaw makatabang ba sa kongregasyon aron mas daghan sa teritoryo ang maimbitar. Paghimo na karog listahan sa mga paryente, kauban sa trabaho, eskolmet, balikduaw, ug ubang kaila nga gusto nimong hatagag imbitasyon inigsugod sa kampanya. Kita nanghinaot nga daghan ang moduyog kanato sa paghandom sa duha ka kinadak-ang pagpahayag sa gugma.—Juan 3:16; 15:13.