Moeskuyla sa Kolehiyo . . . o Magtuon ug Kapangabuhian?

KATINGAD-ANAN nga diha sa kadaghanang mga nasod nga may hataas nga proporsiyon sa mga walay trabaho tali sa ilang mga batan-on nag-antos usab sa kakulangan sa pipila ka matang sa hanas nga mga mamumuo. Si William Davis, hepe sa Ottawa, Canada, nag-ingong ang “atong tinamdan sa mga trabahong nagkinahanglag kahanas” maoy responsable usab sa kal-ang tali sa makitang mga trabaho ug sa hanas nga mga mamumuo. Kining panglantawa makita sa kaylap nga opinyon nga “sayop ang mga ginikanan” kon dili nila paeskuylahon ang ilang mga anak sa kolehiyo. Apan, miingon si Davis nga walay daotan kon dasigon sa mga ginikanan ang ilang mga anak sa pagtuon ug kapangabuhian imbes sa pagpadayon sa unibersidad sa pag-andam kaniya sa usa ka propesyon. Siya mipadayon, “Sa usa ka bahin ingong resulta sa sosyal nga pagpiot sa pagpadayon sa pag-eskuyla sa kolehiyo, sa usa ka bahin tungod sa pagkakulang sa pagpabili sa katakos ug sa pagkahinungdanon sa mga trabahong nagkinahanglag kahanas, mas menos nga mga batan-on ang naglantaw niini nga usa ka madanihong kapiliang karera.” “Hinungdanon ang tanang mga trabaho,” siya dugang miingon, ug ang mga tawo nangahimong hanas sa teknikal nga mga natad ug nakahatag bililhong kontribusyon sa komunidad. Miingon usab siya nga ang mga batan-on nga gibansay nga “makabaton ug bililhong mga katakos” matabangan usab sa “pagkab-ot ug matagbawong kinabuhi.”