Glaciers—“Makalilisang nga Yelo”

ANG glaciers maporma dihang ang daghan kaayong wala matunaw nga niyebe, nga ang mga kristal nagdasok, matigom sa kiliran sa bukid. Kining matanga gitawag valley glacier. Dihang bug-at na kaayo ang tumpok, ang kabug-at niini magpadalus-os sa yelo paingon sa walog o dagat. Ang iceberg maoy dagkong gipang sa glacier ice nga napungil sa tumoy sa glacier ngadto sa dagat.

Ang pila ka valley glaciers dagko sama sa dagkong mga suba. Sa pagkamatuod, sila maoy “ice rivers” o yelong mga suba. Ang ubang mga porma, gitawag continental glaciers, nagatabon sa luag kaayong mga dapit, sama sa atong makita sa Antarctica ug Greenland.

Silang tanan maoy pondohanan sa natibuok nga tubig nga nagapatungha sa “kadlap sa makalilisang nga yelo,” laing linalang ni Jehova.—Ezekiel 1:22; Job 37:10.

[Tinubdan sa Letrato sa panid 31]

Dibisyon sa Turismo sa Alaska

Dibisyon sa Turismo sa Alaska