Alkoholismo Mapanunod Ba?

Diha sa pipila ka tawo, ang mga siyentipiko nagbanabana nga ang kiling sa pagkaalkoholiko tingali mapanunod pinaagi sa usa ka espisipiko nga gene, sumala sa pagtuon nga gitaho diha sa The Journal of the American Medical Association. Kini nangangkon nga nakadiskobre ug usa ka gene nga nagpameligro sa mga tawo nga mahimong mga alkoholiko. Apan, ang mga siyentipiko nanagana nga walay usa ka gene ang moagak sa alkoholismo. Ang pangulo sa panukiduki sa tem miingon: “Wala magbuhat ang buotang Ginoo ug usa ka alkoholiko nga gene, apan usa ka gene nga daw nalangkit sa mga batasan nga mapangitaon-ug-kalingawan.”

Ang report nagpadayon: “Ang mga tigdukiduki miingon nga walay usa ka gene, apil niini nga gene, ang mopahinabog tanang porma sa alkoholismo. Ang pipila ka tawo nga ilang gitun-an nga aduna niini nga gene wala mahimong mga alkoholiko, ang uban nga wala niini nga gene nahimong mga alkoholiko. . . . Ang sosyal ug kultural nga mga hinungdan hayan maoy mopahinabo sa suliran alang sa kadaghanang mga alkoholiko.”