Bag-ong Pangontra sa Malaria

SUMALA sa gitaho sa Pagmata! sa Mayo 8, 1993, ang malaria nahibalik ingong usa ka hampak sa kalibotan. Ang The New York Times (Marso 23, 1993) mitaho nga “sa miaging tuig, ang Brazil nagtala ug 560,000 ka kaso sa malaria.” Sa matag tuig 8,000 ka Braziliano ang mamatay gumikan sa malaria. Karon usa ka taga-Colombia nga tigsusi, si Dr. Manuel Elkin Patarroyo, may nakaplagang bag-ong paagi​—usa ka sentetikong kemikal nga bakuna nga mobili lang ug 30 cents alang sa tulo ka dosis. “Barato pa kay sa prisyo sa usa ka botelyang Coca-Cola [sa Colombia],” matud ni Dr. Patarroyo. Sa pagkakaron kini napamatud-ang epektibo sa mga 67 porsiento sa mga kasong gitambalan. Bisan pag dili usa ka hingpit nga sulbad sa makapatayng malaria, maorag kini usa ka dakong lakang nga paabante sa kontra-malaria nga pakigbugno.