Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • g96 8/22 p. 31
  • Pagkaulay​—Ngano?

Walay video nga available.

Sorry, dunay problema sa pag-load sa video

  • Pagkaulay​—Ngano?
  • Pagmata!—1996
  • Susamang Materyal
  • Maayo ba nga Manaad nga Magpabiling Virgin?
    Mga Batan-on Nangutana
  • Normal ba ang Pagkahimong Ulay?
    Pagmata!—1992
  • Ang mga Saksi ni Jehova ba Usa ka Kulto?
    Komon nga mga Pangutana Bahin sa mga Saksi ni Jehova
  • Nganong Magpabiling Ulay?
    Pagmata!—1992
Uban Pa
Pagmata!—1996
g96 8/22 p. 31

Pagkaulay​—Ngano?

“ANG kulto sa pagkaulay”​—mao kanay pagtawag ni Randall Balmer, kaubang propesor sa relihiyon sa Barnard College/Columbia University, sa daw nag-uswag nga kiling taliwala sa mga tin-edyer nga ipalangan ang seksuwal nga kalihokan hangtod nga sila magkaedaran na.

Dili ikatingala, ang dakong pangagda alang sa paglikay sa sekso nagagikan sa relihiyosong mga organisasyon. “Apan ang nagtukmod nga puwersa luyo sa kulto sa pagkaulay maoy sekular, dili relihiyoso,” nagpunting si Dr. Balmer. “Ang tinuod nga panukmod sa pagpabiling ulay mao ang kahadlok​—dili ang kahadlok sa panimalos sa Diyos, kondili ang kahadlok sa makamatayng sakit.” Busa, iyang gitandi “ang kulto sa Birhen Maria,” nga nagpasiugda sa paglikay ingong usa ka relihiyosong mithi, uban sa modernong-adlaw nga “kulto sa pagkaulay,” nga labawng nagpresentar sa dili pagpakigsekso ingong isyu sa maayong panglawas.

“Ikasubo kini nga komentaryo bahin sa kahimtang sa relihiyon sa katuigang 1990 nga ang kahadlok sa sakit ang nagtukmod sa moralidad,” nagpadayon si Dr. Balmer. “Ang relihiyosong mga pangulo, nga matinguhaon kaayo nga dili makasakit, nagtanyag sa huyang nga moralidad, o wala gani. Ug busa nagtugyan ngadto sa mga siyentipiko ug mga opisyal sa publiko bahin sa panglawas ang pagtambag sa mga batan-ong hamtong kon sa unsang paagi dumalahon ang ilang seksuwal nga mga kinabuhi.”

Apan, dili kini ang kahimtang sa matuod nga mga Kristohanon. Tagda si Chad, usa ka tin-edyer nga gipadako ingong usa sa mga Saksi ni Jehova. Si Chad giduol sa usa ka babaye nga miuna sa pakig-estorya. Apan wala magdugay nadayag nga ang iyang tuyo dili lang basta makig-estorya. “Unya ang hunahuna kalit nga mitungha kanako,” matod ni Chad. “Dili ako makaako sa pagpahigawad kang Jehova. Uban ang hunahuna sa pagpahimuot kang Jehova sa tanang panahon, gisultihan ko siya nga molakaw na ako.”

Sama kang Chad, daghang batan-on taliwala sa mga Saksi ni Jehova nagahupot ug maayong mga pamatasan dili lamang tungod sa maayong panglawas apan ilabina aron sa pagpahimuot sa ilang Maglalalang, si Jehova nga Diyos. Dili ang kahadlok sa sakit ang nagtukmod sa ilang moralidad. Hinunoa, ang maong mga batan-on nagsunod sa tambag sa Ecclesiastes 12:1: “Hinumdomi, karon, ang imong Dakong Maglalalang sa mga adlaw sa imong pagkabatan-on.”

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa