Gidisenyo ba Kini?
Ang Pako sa Alindanaw
● Ang ubang alindanaw makalutaw sa hangin sulod sa 30 segundos nga halos dili moubos ang gihabogon sa paglutaw. Ang sekreto? Ang ilang episyenteng pagkaporma nga pako lahi sa bisan unsang pako nga ginama sa buhatanag mga ayroplano!
Hunahunaa: Kay ang nipis kaayong pako sa alindanaw bawod-bawod man, kini dili mapiko. Nadiskobrehan sa mga siyentista nga tungod usab sa mga bawod-bawod, ang alindanaw makapabilin sa gihabogon niini samtang maglutaw sa hangin. “Tungod kini kay ang hangin makaagi nga walay sabal diha sa tunga sa bawod-bawod sa pako,” nag-ingon ang magasing New Scientist.
Human matun-i ang pako sa alindanaw, ang inhenyero sa aerospace nga si Abel Vargas ug ang iyang mga kauban mihinapos nga ang “mga pako nga kinopya gikan sa kinaiyahan importante kaayo diha sa pagdisenyo ug gagmayng robot nga makalupad.” Gitaoran ug kamera ug ubang instrumento, ang palad-ug-gidak-ong robot nga makalupad daghag gamit, gikan sa pagkuhag impormasyon sa mga dapit nga nahitaboan sa kalamidad ngadto sa pagsusi sa sukod sa polusyon.
Unsay imong hunahuna? Kini bang nipis kaayo, may bawod-bawod nga pako sa alindanaw sulagma lang nga mitungha, o kini ba gidisenyo?
[Hulagway sa panid 25]
Ang gamayng robot nga alindanaw nga may gibug-atong 120 miligramo (.004 onsas), maoy sayis sentimetros (2.4 pulgadas) ang gilapdon, ug dunay nipis kaayong pako nga silicon nga mokapakapa dihang paandaron pinaagig koryente
[Picture Credit Line]
© Philippe Psaila/Photo Researchers, Inc.