ELZABAD

[Ang Diyos Naggasa].

1. Usa sa tulin modagan ug maisog nga gamhanang tawo sa tribo ni Gad nga mianib kang David didto sa kamingawan samtang siya ilalom pa sa mga pagpig-ot tungod kang Haring Saul. Ang labing ubos niini nga mga Gadhanon gihubit ingong katumbas sa usa ka gatos ug ang labing dako katumbas sa usa ka libo.​—1Cr 12:​1, 8, 12, 14.

2. Usa ka Levihanon sa banay sa mga Korehanon; anak nga lalaki ni Semaias ug apo ni Obed-edom. Usa ka tawong may katakos, si Elzabad nag-alagad sa dibisyon sa mga magbalantay-sa-ganghaan sa adlaw ni Haring David.​—1Cr 26:​1, 4, 6-8, 12, 15, 19.