Pagtanyag sa Maayong Balita—Sa Dihang Nagabakasyon
1 Ikaw ba magabakasyon niini nga ting-init? Kon mao, unsa man ang imong pagabuhaton? Daghan ang nagaatiman sa mga butang palibot sa balay. Ang uban nagabisita sa mga higala ug mga paryente. Ang panahon sa bakasyon nagatagana usab ug higayon sa paghupot ug mas bug-os nga pakig-ambit sa pagsangyaw sa Gingharian.—Mar. 6:30-34.
DUGANG PAG-ALAGAD SA KANATARAN
2 Sa panahon sa bakasyon, posibleng mahuptan ta ang mas bug-os nga pakig-ambit sa pagsangyaw sa maayong balita sa Gingharian. Aduna ka bay listahan sa interesadong mga tawo nga taodtaod nang wala maduaw? Mahimo ba nimo ang dugang mga balikduaw ug tingali makasugod ug pagtuon? Ikaw ba nagaplano sa pag-alagad ingong katabang nga payunir sa panahon sa imong bakasyon? Kon mao, imo bang dapiton ang ubang magmamantala sa pagsangyaw uban kanimo? Kining tanan maoy kahigayonan sa pagpakita nga kita gayod nagatagad sa ubang mga tawo ug sa pagpauswag sa atong pakig-ambit sa ministeryo.
IMPORMAL NGA PAGPAMATUOD
3 Samtang nagabiyahe o nagapahayahay, sagad kita aduna ing maayong kahigayonan sa impormal nga pagpamatuod. Kini ba usa ka bahin sa pag-alagad nga sarang ikaw makabaton ug mas dakong pakig-ambit niining ting-inita? (Juan 4:7-9, 23) Kadtong adunay kalamposan niining buluhatona nag-ingon nga mas maayo nga magmahigalaon ug tim-os nga interesado sa maong tawo. Usab, maayo man nga hunahunaon daan kon unsa ang imong igasulti aron mahimong mas epektibo.
4 Samtang nagabiyahe, daghang igsoon nagapakigsulti sa ubang tawo. Nan sa panahon sa sultihanay sila yanong mosukna, “Gusto mo bang mobasa?” Kon positibo ang tubag, sila nagapadayon: “Akong nabasa ang butang makapainteres kaayo niining magasina. [Ipakitang ulohan ug komentohan kana.] Nahuman ko na kini sa pagbasa. Kon gusto mong basahon kini, giabiabi kang basahon kana.” Kini mahimo mo uban sa daandaang mga gula kon itanyag niining paagiha. Kadtong modumili sagad modawat ug usa ka ‘tract’ ingong gasa.
5 Ang uban magpaila sa ilang kaugalingon ingong mga Saksi ni Jehova ug mangutana, “Unsa ang imong pagbati bahin sa Bibliya ug ang ginatudlo niana?” Sagad kini nga mobukas sa dalan alang sa mas maayong panaghisgot. Kon kanunay kang may dala nga ‘tracts,’ mga magasin o sa karong tanyag, imong makaplagan ang kahigayonan sa pagtanyag niini ngadto sa uban.
PAGPAMATUOD NGADTO SA MGA PARYENTE
6 Sagad ang atong mga paryente nahibalo nga kita mga Saksi ni Jehova. Basin sila mapakisayron sa atong mga gituohan apan nagaduhaduha sa pagpangutana tungod kay dili nila buot nga ‘masangyawan’ o malangkit diha sa taas nga diskusyon. Ang pipila ka igsoon yano lang nagabungat ug usa ka tudling-pulong bahin sa kamatuoran ug pasagdan ang paryente nga maoy mohukom kon buot ba niyang ipadayon ang panaghisgot. Pananglitan, mahimong hisgotan mo kon diin ka mitambong sa kombensiyon o ipakita ang usa sa bag-ong mga publikasyon sa Sosyedad. O maghimog komento bahin sa mga kahimtang sa kalibotan, ang nagataas nga bili sa panginabuhi o usa ka pamilyahanong suliran, nga mahimong mobukas sa dalan alang sa panaghisgot. Ang mga batan-on sagad maminaw gikan sa mga paryente.
7 Samtang kita masibotan sa pagsangyaw ug nagapaninguha sa pagbungat ug pulong sa hustong panahon, gikinahanglan ta kanunay nga magmailahon ug may konsiderasyon sa uban. Hinumdomi ang importansiya sa pagkahimong mahigalaon ug nagapakita ug tinuod nga interes sa ubang tawo.—Prov. 15:23; 1 Ped. 3:15.
8 Ang panahon sa bakasyon ug mga bulang ting-init moabot ug daling moagi. Alang sa katawhan ni Jehova, ang labing gipakabahandi nga mga halandomon sagad nagalakip sa maayo kaayong mga eksperiyensiya nga misangpot gikan sa panahong gigugol sa pagsangyaw sa Gingharian. Himoa ang panlimbasog sa pagsulti sa uban bahin sa atong mahigugmaong Diyos ug sa iyang pagmando sa Gingharian. Samtang buhaton mo kini, tutok kang Jehova sa pagpanalangin sa imong mga panikaysikay.