Pagkuhag Kaayohan Gikan sa Pagkamasinundanon sa Balaang Pahimangno
1 Ang dugang nga pagpaniid ta sa kabuangan sa masupilong katawhan, dugang man nga kita makapabili kon sa unsang paagi makaayo ang pagsunod sa balaang pahimangno o instruksiyon. Ang iya sa kalibotang buhata-imo-kaugalingon-butang nga pilosopiya nakapahinabog daghan wala kinahanglanang kasakit ngadto sa mga tigpasiugda niini. Apan, si Jesu-Kristo mihatag ug panig-ingnan alang sa mga Kristohanon. Ang Bibliya nagapakita nga siya kanunayng masinundanon sa iyang Amahan, ug tungod niining matinumanong dalan nga siya gigantihan gayod.—Juan 8:29; Heb. 5:8; Filip. 2:7-11.
2 “Pagkuhag Kaayohan Gikan sa Pagkamasinundanon sa Balaang Pahimangno” mao ang tema sa espesyal adlawng asembliya nga programa nga magsugod sa Marso. Ang mapuslanong mga sugyot ug nunot-panahong talambagan ang igabutyag sa pagtabang kanato diha sa lainlaing mga bahin sa Kristohanong pagkinabuhi. Pananglitan: Sa unsang paagi makabulig ang mga ginikanan sa ilang mga anak sa paghupot nga malig-on sa kamatuoran ug sa paghimo niana nga ilang kaugalingon? Unsaon sa matag membro sa pamilya sa pagpauswag sa iyang kalipay sa pag-alagad kang Jehova? Unsa may mahimo sa matag membro sa kongregasyon nga makapaayo kaniya sa tinagsatagsa ug sa organisasyon ingong katibuk-an? Kini mao ang pipila sa mga butang nga pagahisgotan sa bag-ong espesyal adlawng asembliya nga programa.
3 Ipunting ang pagtagad ngadto sa importansiya sa pagsunod sa balaang instruksiyon sa dihang atubangon sa mga pagsulay sa Kristohanong pagkamasinundanon maylabot sa mga amo ug sa dihang makiglabot uban sa superyor nga mga awtoridad. Tungod kay gilibotan kita sa daotang katilingban, ang mga Kristohanon magmabinantayon gayod sa pagmentinar sa Kasulatanhong panghunahuna ngadto sa maong mga awtoridad ug likayan ang dili hustong mga tinamdan nga dagsang sa kalibotan karon.
4 Ang pipila ka kausaban ginahimo diha sa eskedyol sa programa. Sa 1989, ang sumarya sa Bantayanang Torre pagahimoon diha sa programa bisan kon kini maatol sa Sabado o Domingo. Kini nagakahulogan nga ang mga kongregasyon nga adunay espesyal adlawng asembliya sa Sabado dili mag-eskedyol ug Pagtuon sa Bantayanang Torre o miting publiko sa sunod nga adlaw. Puli niana ang mga ansiyano mag-organisar ug dakong grupong pagsangyaw.
5 Ang mapabilhong mga komento nadungog maylabot sa paagi nga napamatud-ang makaayo ang unang espesyal adlawng asembliya. Daghan ang nadasig ug napalig-on pinaagig makaayong espirituwal nga instruksiyon bahin sa personal nga pagtuon sa Bibliya ug sa impormasyon maylabot sa kauswagan sa kapunongan.
6 Walay duhaduha ang espesyal adlawng asembliya para sa 1989 makaayo usab ug dako alang kanato samtang kita magapanlimbasog sa pagsundog sa atong Panig-ingnan, si Jesu-Kristo. Ayawg sayloi ang bisan unsang bahin niini. Hinaot nga kitang tanan magapadayon sa pagbenepisyo gikan sa pagkamasinundanon sa balaang pahimangno.—Heb. 10:23-25.