Itaho nga Tukma ang Pag-alagad sa Kanataran
1 Sa dili na madugay ang bag-ong Yearbook moabot na uban sa tibuok kalibotan nga taho sa 1988 tinuig nga pag-lagad. Kita nagahinamhinam nga mabasa ang pag-uswag sa buluhatong pagsangyaw sa tibuok yuta. (Isa. 60:22) Tungod kay ang tanang magmamantala adunay bahin niining tinuig nga taho, unsa ang atong mahimo ingong indibiduwal aron matino nga kini tukma?
2 Sa Mateo 24:14 atong mabasa ang komisyon sa pagsangyaw niining kataposang mga adlaw. Atong ikapakita ang atong pagtahod sa organisasyon ni Jehova pinaagi sa mahunahunaong pagtaho sa atong binuhatan sa kanataran sa kada kataposan sa bulan. Ikaw ba regular ug tukma nga nagataho sa imong binuhatan?
KON UNSA ANG ITAHO
3 Ang mga tibuok nga oras lamang ang kinahanglang itaho sa kongregasyon. Ang dili kompletong oras mahimong ilain una sa magmamantala ug ilakip na lamang sa sunod bulan. Mas maayo nga ilista ang panahon nga nagugol, basahon nga napahimutang, ug ang gidaghanon sa mga balikduaw nga nahimo matag paggula nato sa pag-alagad sa kanataran. Dayon pinaagi sa yanong pagtotal niining maong mga numero sa kataposan sa bulan, malikayan nato ang pagbanabana sa atong binuhatan.
4 Ayaw ug kalimti nga iphon nga balikduaw ang matag higayon nga ikaw nagadumala ug pagtuon sa Bibliya. Sa kataposan sa bulan, usa ka tarhitang Study Report para sa matag pagtuon nga gidumala ang kinahanglang sulatan ug ihulog uban sa imong tarhitang Field Service Report. Human masulati nga kompleto ang matag tarhitang Study Report, ang total nga gidaghanon sa lainlaing mga pagtuon sa Bibliya nga gidumala sa maong bulan kinahanglang isulat sa tukmang kahon sa ubos sa tuo nga kilid sa tarhitang Field Service Report.
5 Maingon nga tukma usab nga ilakip sa pahinumdom nga ang inyong oras sa pag-alagad sa kanataran kinahanglang mosugod sa dihang kamo mosugod sa pagsangyaw ug matapos human sa inyong kataposang duaw sa matag yugto sa pagsangyaw. Busa, ang panahon nga ginagugol sa represment o pagkaon sulod sa yugto sa pag-alagad sa kanataran dili ihapon. Silang nagapakigpulong publiko makaihap man sa panahong gigugol alang niini. (Tan-awa ang Atong Ministeryo, panid 104, parapo 1.) Pinaagi sa atong pagkamahunahunaon sa atong pagtaho, kitang tanan makatampo sa eksaktong taho nga ginapatik sa Yearbook.
6 Sanglit ang sekretaryo magapadala man sa taho sa kongregasyon ngadto sa Sosyedad sa ikaunom sa sunod nga bulan, importante nga ang matag magmamantala sayong magahulog sa iyang taho sa binuhatan sa kanataran sa kataposan sa bulan. Sa pagtagad niining maong kahikayan, ang matag magmamantala magatinguha sa pagsunod nga mainampingon niining maong direksiyon. Ang sekretaryo aduna lamay unom ka adlaw sa pag-ipon sa tanang mga taho, pagtotal niini, ug pagpadala sa taho sa kongregasyon aron madawat kini sa Sosyedad sa panahon ug ikaapil sa pag-alagad sa kanataran nga buluhaton sa kapin sa 2,700 ubang mga kongregasyon niining nasora.
7 Ang matag magmamantala nga andam makigtambayayong sa organisasyonal nga mga kahikayan sa itaas makabaton ug katagbawan sa pagkahibalong siya nakatampo sa paghimo ug usa ka tukmang taho sa tibuok kalibotan nga buluhaton sa mga Saksi ni Jehova. (Itandi ang Ezequiel 9:11.) Hinaot kitang tanan magahulog sa atong mga taho sa pag-alagad sa kanataran nga tukma ug anaa sa panahon!